تاريحىن بىلمەگەننىڭ بولاشاعى بۇلىڭعىر. ەندەشە جۇلدىزداردىڭ بولاشاعى – “قارا تۇنەك” شىعار. سەبەبى، ولار قازاقستان رەسپۋبليكاسىنىڭ قاي جىلى تاۋەلسىزدىك العانىن ايتا المادى، دەپ حابارلايدى كتك ارناسى.

العاشقىلاردىڭ ءبىرى بولىپ بۇل سۇراققا ءومىرقۇل اينيازوۆ مىرزا جاۋاپ بەرمەك بولدى. دەسە دە، ونىڭ بۇل ويى ەش ناتيجە بەرمەدى. ءانشى جۇمعان اۋزىن اشپادى.

جازيرا بايىربەكوۆا:

تاۋەلسىزدىگىمىزدى جەلتوقساننىڭ 16-سى كۇنى العانىمىزدى بىلەمىن. بىلۋىمشە، 1986 جىلى. ال رەسمي تۇردە… مەن ول جاعىنان ءبىلىمدى ەمەسپىن. باعانادان بەرى ايتىپ تۇرمىن عوي.

سەرىكبول سايلاۋبەك:

تاۋەلسىزدىگىمىزدى 25ء-شى… بىلمەيمىن. مەن ول كەزدە بالا بولعانمىن.

جەڭىس ىسقاقوۆا:

مەكتەپ بالاسىنا ارنالعان سۇراعىڭدى ماعان قويماشى. 16 جەلتوقساندا مۇرنىمنان سۋىم اعىپ، ەگەمەندى ەل بولۋىمىز كەرەك دەپ، اكەم-اتاممەن قوسىلىپ ءشامشى قالداياقوۆتىڭ «قازاقستانىم» ءانىن ايتىپ جۇرگەنمىن. ول ۋاقىتتا 19-20 جاستاعى قىز ەدىم. 1986 جىلى كوتەرىلىسكە شىقتىق. ادام توڭىپ تۇرعان كەزدە قايداعى جوق سۇراقتاردى قوياسىڭدار… قايداعى جوق سۇراق ەمەس. ارينە، ءبىز مۇنى ءبىلۋىمىز كەرەك.

مارات وماروۆ:

ەلتاڭبانىڭ اۆتورى – شوقان ءۋاليحانوۆ. جوق، ءۋاليحان ءۋاليحانوۆ. ءقازىر دۇرىسىن ايتامىن… كەشىرىڭىزدەر!