2009 جىلى سەگىز بالانى دۇنيەگە اكەلگەن انا ەستەرىڭىزدە مە؟ قازىرگى تاڭدا بۇل بالالاردىڭ جاعدايى جايلى قامشى اقپاراتتىق اگەنتتىگى شەتەلدىك باق-قا سىلتەمە جاساپ، وقىرمان نازارىنا ۇسىنادى.
2009 جىلى ناتالي سۋلمان ەسىمدى جاس انا سەگىز بالا تۋىپ، بۇكىل امەريكانى ءدۇر سىلكىندىرگەن ەدى. ءبىر قۋانارلىعى، ءناتاليدىڭ بالالارىنىڭ بارلىعى دا دەنى ساۋ بولىپ دۇنيەگە كەلگەن.
ءناتاليدىڭ كامراۆا ەسىمدى دارىگەرىنىڭ ايتۋىنشا، ونىڭ جاتىرىنان 12 ەمبريوندى انىقتاعان.
ول ۋاقىتتا ءناتاليدىڭ ودان بولەك 6 بالاسى بولعان.
سەگىز بالانىڭ ەسىمدەرى: نوا، مالي، يساييا، دجون، ماكاي، دجوزاييا جانە دجەرەماييا.
ناتالي 14 بالاسىنىڭ بارلىعىنا قامقور بولىپ، ولاردى قامتاماسىز ەتۋگە تىرىستى. ول ۋاقىتتا ناتالي مەكتەپ بىتىرەيىن دەپ جاتقان بولاتىن.
«مەن بالالارىمنىڭ بارلىعىنا قاراي الامىن، تەك مەكتەپ ءبىتىرىپ الايىن. ەگەر بۇلاردىڭ بولاشاعىن ويلاماي، ديۆاندا تەلەديدار كورىپ جاتا بەرەتىن بولسام، ول مەنىڭ جەكە باسىمدى عانا ويلاعاندىعىم بولار ەدى»، - دەيدى ون ءتورت بالانىڭ اناسى.
ناتالي بىرنەشە رەت تەليەۆيزيالىق شوۋلارعا شىعىپ، قارجىلاي كومەك سۇراعان. ءوزىنىڭ جەكە رەاليتي-شوۋىنىڭ جوباسىن جاساپ، كەلىسىمشارتقا دا قول قويعان. الايدا، ول شوۋ تەلەەكرانعا شىقپادى.
بىرنەشە كۇن بۇرىن سەگىز بالا وزدەرىنىڭ تۋعان كۇندەرىن اتاپ ءوتتى. بالالار الاڭىندا كوڭىل كوتەرىپ، ويناپ، تۋعان كۇندەرىن وتە قىزىقتى ەتىپ وتكىزدى.
قازىرگى تاڭدا ناتالي ءوزىنىڭ 14 بالاسىمەن بىرگە لوس-اندجەلەستە قالا سىرتىنداعى كىشىگىرىم ءۇيدى پانالاپ ءجۇر.
شولۋشى: نازەركە لابيحان
