ەۋرازيالىق توپ  (ERG) قۇرامىنداعى «ەۋروازيالىق ەنەرگەتيكالىق كورپوراسيا» اق-نا قاراستى اقسۋ ەلەكتر ستانسياسىندا جالپى ءوتىلى 120 جىلدان استام ۋاقىتتى قۇرايتىن وتباسى جۇمىس ىستەيدى.

جاقىندا نەكرىتوۆتار اۋلەتى  «مەرەيلى وتباسى» ۇلتتىق بايقاۋىنىڭ وبلىستىق كەزەڭىندە ەكىنشى ورىنعا يە بولدى.

نەكرىتوۆتاردىڭ بۇتىندەي ءۇش ۇرپاعى ماماندىق رەتىندە ەنەرگەتيكانى، جۇمىس ورنى رەتىندە اقسۋ ەلەكتر ستانسياسىن تاڭداعان ەكەن. جانۇيانىڭ اقساقالى 81 جاستاعى نيكولاي نەكرىتوۆ ءومىرىنىڭ 20 جىلىن كاسىپورىن جۇمىسىنا ارناپتى. قاريانىڭ ۇلدارى، كەلىندەرى، نەمەرەلەرى دە ءوز تاعدىرلارىن وسى سالامەن بايلانىستىرعان.

«بايقاۋداعى جەڭىسكە قۋانامىن. جىلدار بويى جيناعان بەدەلدى، كاسىبي ابىرويدى جوعالتىپ الماۋعا تىرىسامىز، ادال نيەتپەن دۇرىس جۇمىس ىستەدىك، بالالارعا عانا ەمەس، باسقالارعا دا ۇلگى بولا بىلدىك»، - دەيدى «ەەك» اق وندىرىستىك جوندەۋ بولىمشەسىنىڭ №2 قازاندىق ۋچاسكەسى باسشىسىنىڭ ورىنباسارى ولەگ نەكرىتوۆ.

«ەۋروازيالىق ەنەرگەتيكالىق كورپوراسيا» اق-دا جۇمىس ىستەيتىن ەڭبەك اۋلەتتەرى «مەرەيلى وتباسى» بايقاۋىندا الدەنەشە رەت جۇلدەگەر اتانعان. كومپانيا ۇرپاق ساباقتاستىعىنا، جاس كادرلاردى تاربيەلەۋگە ەرەكشە نازار اۋدارادى.

«جاستار ءبىزدىڭ كومپانيادا جۇمىس ىستەۋگە ۇمتىلادى، سەبەبى ولار مۇندا باسپانا ماسەلەسى بويىنشا دا، وقۋ تۇرعىسىنان دا قولداۋ بولاتىنىن، قىزمەتكەرلەردىڭ دەنساۋلىعىنا، سپورتتىڭ دامۋىنا ۇلكەن ءمان بەرىلەتىنىن بىلەدى. الەۋمەتتىك قامتاماسىزداندىرۋ – جۇمىس ورنىن تاڭداۋ كەزىندە ەسكەرەتىن وتە ماڭىزدى ماسەلە»، - دەپ سانايدى ولەگ نەكرىتوۆ.

ERG كورپوراسياسى تەك قىزمەتكەرلەرگە قاتىستى عانا ەمەس، جالپى ايماققا الەۋمەتتىك قولداۋ ءبىلدىرىپ وتىر. «تۋعان قالالار» اتتى ارنايى ازىرلەنگەن باعدارلاما جۇمىس ورىندارىمەن قامتاماسىز ەتۋ، ينفراقۇرىلىمدى، ءبىلىم جانە دەنساۋلىق ساقتاۋ سالاسىن دامىتۋ سەكىلدى ايماقتار ماسەلەلەرىن كەشەندى جولمەن شەشۋگە باعىتتالعان. باعدارلامانىڭ تۇپكى ماقساتتارىنىڭ ءبىرى – جاس مامانداردى تۋعان قالاسىندا جۇمىس ىستەپ، ءومىر سۇرۋگە ىنتالاندىرۋ. ەۋرازيالىق توپ جۇرگىزگەن كەشەندى الەۋمەتتىك زەرتتەۋدەن كەيىن وسال جەرلەر انىقتالعان سوڭ قارجىلاي قولداۋ ناقتى ايماقتا ەڭ ۇلكەن سۇرانىسقا يە بولىپ وتىرعان جوبالارعا باعىتتالۋدا.