ق ر ينۆەستيسيالار جانە دامۋ ءمينيسترى جەڭىس قاسىمبەكتىڭ ايتۋىنشا، كەلەسى جىلدان باستاپ قازاقستان ازاماتتىق اۆياسيانى تولىعىمەن وتاندىق كەروسينمەن قامتاماسىز ەتسە، ۇشاق بيلەتتەرىنىڭ باعاسى ارزانداۋى ابدەن مۇمكىن، دەپ xابارلايدى Qamshy.kz.

«بىزگە جىل سايىن 800 مىڭ توننا اۆياكەروسين كەرەك. قازىرگى كەزدە قازاقستانداعى ءۇش مۇناي وڭدەۋ زاۋىتى تەك 300 مىڭ توننانى بەرىپ وتىر. سول سەبەپتى رەسەيدەن ساتىپ الۋعا ءماجبۇرمىز. ول ءونىمنىڭ باعاسى 30-40 پايىزعا قىمبات. ال وسىنىڭ ءبارىن ءوزىمىز وندىرسەك، بيلەتتىڭ باعاسى دا ارزاندايدى. سەبەبى بيلەتتىڭ باعاسىنىڭ 30-35 پايىزى - كەروسيننىڭ قۇنى. دەمەك، كەروسيننىڭ باعاسى تۇسسە، بيلەتتىڭ قۇنى دا ارزاندايدى»، - دەپ اتاپ كورسەتتى قاسىمبەك جۋرناليستەرگە بەرگەن سۇxباتىندا.

ونىڭ ايتۋىنشا، قازاقستانعا 800 مىڭ توننا كولەمىندە اۋە جانارمايى قاجەت. ەلىمىزدەگى ءۇش مۇناي وڭدەۋ زاۋىتى 300 مىڭ توننا وندىرەدى، ال بۇل جەتكىلىكسىز. 

وسىعان وراي قازاقستان قالعان جانارمايدى رەسەيدەن جەتكىزەدى، ال بۇل ءوز كەزەگىندە ۇشاق بيلەتىنىڭ باعاسىنا ىقپال ەتەدى. 

ايتا كەتەيىك، وتىرىس بارىسىندا مينيستر كەلەسى جىلدان باستاپ ازاماتتىق اۆياسيا وتاندىق كەروسينمەن تولىعىمەن قامتاماسىز ەتىلەتىنىن جەتكىزدى. 

ونىڭ اتاپ وتۋىنشە، ۇشاق بيلەتى باعاسىنىڭ 30-35%-ىن اۋە جانارمايىنىڭ باعاسى قۇرايدى. جانارمايدىڭ ارزانداۋى بۇل ءسيفردى 20-25%-عا تومەندەتەدى. 

ايتا كەتسەك، EXPO كورمەسى قارساڭىندا قازاقستاندا اۋەبيلەتتەر ايتارلىقتاي قىمباتتادى جانە جەتىسپەۋشىلىك بايقالدى. ءتىپتى تۇرعىندار تەمىرجول بيلەتتەرىنىڭ دە تاپشى ەكەندىگىنە شاعىمداندى. الەۋمەتتىك جەلىلەردە دە قازاقستاننىڭ ۇشاق بيلەتى باعاسىن باتىس ەلدەرىمەن سالىستىرىپ، «مونوپوليالانعان» دەپ نارازى باعا بەرۋشىلەر كوپ.