1 ملرد. 200 ملن تەڭگە. پەتروپاۆل قالاسىنداعى كوپىردىڭ جوندەۋ جۇمىستارىنا «نۇرلى جول» باعدارلاماسى بويىنشا ۇلتتىق قوردان وسىنشا قاراجات ءبولىندى.

«استانا –پەتروپاۆل» ترانزيتتىك دالىزىندەگى وتپەلى جولدى جاڭعىرتۋعا 100 ادام جۇمىلدىرىلعان.

قازىرگى ۋاقىتتا كولىك قوزعالىسىنا ۋاقىتشا شەكتەۋ قويىلىپ، نىساننىڭ قازىعى قاعىلدى. مامانداردىڭ ايتۋىنشا، قۇرىلىسقا نەگىزىنەن وتاندىق ماتەريالدار قولدانىلادى. ءتورت جولاقتى كوپىر 2018 جىلدىڭ قاراشاسىنا قاراي پايدالانۋعا بەرىلۋى ءتيىس.

سونىمەن قاتار بيىل پەتروپاۆلدان رەسەيدىڭ قورعان وبلىسى شەكاراسىنا دەيىنگى 60 شاقىرىم جولدىڭ قۇرىلىسى باستالادى.   

بولاتبەك ايتبايەۆ، «قازاۆتوجول» ۇك اق سقوف ديرەكتورى:

– قايتا جوندەۋ وسى مىناۋ «نۇرلى جول» باعدارلاماسى بويىنشا جۇرگىزىلىپ جاتىر. نەگىزى بيىلعا دەگەن جوسپارىمىز وسى قازان ايىنىڭ اقىرىنا دەيىن سول جاعىمەن كولىك قوزعالىسىن جانداندىرۋ ماقساتىن ورىنداۋ.