ءدال قازىرگى ۋاقىتتا قازاقستان 25 مەملەكەتپەن (شامامەن 96 حالىقارالىق باعىت بويىنشا) اۋە بايلانىس ورناتقان. ونىڭ ىشىندە تمد (54 باعىت)، تاياۋ شىعىس (15)، وڭتۇستىك شىعىس ازيا (15) جانە ەۋرووداق (12) ەلدەرىمەن بايلانىستىرىلعان.
2016 جىلى قازاقستاندىق جانە شەتەل اۋە كومپانيالارىمەن 13 جاڭا حالىقارالىق باعىت اشىلدى: الماتى – سيان/شارم-ەل-شەيح (ماۋسىمدىق)/ تەگەران/سامارا؛ استانا – امستەردام، اقتاۋ – باتۋمي (ماۋسىمدىق)/سوچي (ماۋسىمدىق)، شىمكەنت – ستامبۇل/حۋدجاند، قاراعاندى – ستامبۇل، تاراز – نيجنيەۆارتوۆسك/سۋرگۋت/حۋدجاند.
________________
EXPO-2017 كورمەسى شەڭبەرىندە بارلىق شەتەل اۋە كومپانيالارىنا استانا قالاسىنا اپتاسىنا كۇندەلىكتى (اپتاسىنا 7 رەيس) رەيستەردى ورىنداۋعا قۇقىق بەرىلدى.
وسىعان بايلانىستى جىل باسىنان كەلەسى 8 جاڭا باعىت اشىلدى:
1) استانا – حەلسينكي (Finn Air)، اپتاسىنا 2 رەيس،
2) استانا – ۆارشاۆا (LOT Polish Airlines)، اپتاسىنا 4 رەيس،
3) استانا – باتۋمي (Georgian Airways)، اپتاسىنا 1 رەيس؛
4) استانا – بۋداپەشت (Wizz air)، اپتاسىنا 2 رەيس،
5) استانا – بەيجىڭ (Air China)، اپتاسىنا 3 رەيس،
6) استانا – كييەۆ (ەير استانا)، اپتاسىنا 5 رەيس،
7) استانا – مينەرالنىە ۆودى (SCAT)، اپتاسىنا 2 رەيس،
8) استانا – ەريەۆان (SCAT)، اپتاسىنا 2 رەيس،
9) استانا – دەلي (ەير استانا) اپتاسىنا 3 رەيس.
سونداي-اق، 2018 جىلى – توكيوعا، 2019 جىلى – سينگاپۋرعا، شانحايعا، 2020 جىلى – نيۋ-يورككە اۋە قاتىناستارىن اشۋ جوسپارلانۋدا.

ايتا كەتسەك، قازاقستاننىڭ حالىقارالىق ترانزيتتىك حابقا اينالۋى ماڭىزدى قادامداردىڭ ءبىرى. جاڭا حالىقارالىق رەيس مەملەكەت باسشىسى نۇرسۇلتان نازاربايەۆتىڭ 2020 جىلعا دەيىن ەلىمىز ارقىلى وتەتىن ترانزيتتىك جولاۋشىلار اعىنىن 4 ەسەگە دەيىن ۇلعايتۋ جونىندەگى تاپسىرماسىن ورىنداۋ اياسىندا جۇزەگە اسىرىلىپ وتىر. 
سوڭعى 7 جىلدا ترانزيتتىك اۋە جولاۋشىلار اعىنى 20 ەسەگە ارتتى. پەرسپەكتيۆالى باعىتتاردىڭ ءبىرى ءۇندىستاننان قازاقستان ارقىلى تمد ەلدەرىنە باعىتتالعان ترانزيتتىك جولاۋشىلار مارشرۋتى.