شىعىس قازاقستاندىق عالىمدار جاسىرىن پايدالى قازبالاردى بولجاۋ جانە ىزدەۋدىڭ جاڭا تەحنولوگياسىن ازىرلەدى.

ق ر ينۆەستيسيالار جانە دامۋ مينيسترلىگى مەن «بايتەرەك» ۇبح» اق ەنشىلەس كومپانياسى بولىپ تابىلاتىن «تەحنولوگيالىق دامۋ جونىندەگى ۇلتتىق اگەنتتىك» اق قولداۋىمەن قازاقستاندىق عالىمدار توبى شىعىس قازاقستان اۋماعىندا التىن جانە سيرەك مەتالل وبەكتىلەرىن بولجاۋ جانە ىزدەۋدىڭ جاڭا تەحنولوگياسىن ازىرلەدى. 
د.سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ عالىمدارى جۇرگىزگەن زەرتتەۋلەر ءىرى شىعىس قازاقستاندىق التىن بەلدەۋىندەگى فلانگتەردە جانە تەرەڭ كوكجيەكتەرىندە جاڭا كەن وبەكتىلەرىن انىقتاۋ ءۇشىن جول اشىپ وتىر.
سيرەك مەتالدار باعىتى بويىنشا قاراسۋ، نوۆو-احميروۆسكوە، الاحا، چەردوياك، قارا-اياق ءتارىزدى وبەكتىلەر بويىنشا مينەرالدانۋدىڭ «ءداستۇرلى ەمەس» تۇرلەرىن باعالاۋ جونىندە عىلىمي-تاجىريبەلىك ۇسىنىستار ازىرلەنگەن.
ازىرلەنگەن تەحنولوگيا ءىس جۇزىندە قارا-اياق ۋچاسكەسىندەگى بارلاۋ جۇمىستارىندا كورىنىس تاپتى، بۇل جۇمىستى ق ر ينۆەستيسيالار جانە دامۋ مينيسترلىگىنىڭ تاپسىرىسى بويىنشا «توپاز» جەر قويناۋىن زەرتتەۋ كومپانياسى» ج ش س اتقارۋدا.
بۇدان باسقا عالىمداردىڭ ۇسىنىستارى 25-تەن استام شەتەلدىك جانە رەسپۋبليكالىق باسىلىمداردا، ونىڭ ىشىندە رەيتينگىلىك جۋرنالدارداعى مونوگرافيالار مەن ماقالالاردا كەلتىرىلگەن.
جوبانىڭ جۇمىسىنا گەولوگيالىق-مينەرالدىق عىلىمداردىڭ دوكتورى، پروفەسسور، اكادەميك بوريc دياچكوۆتىڭ باسشىلىعىمەن 12 عالىم قاتىسقان. ونىڭ ايتۋىنشا بۇل جوبانى ىسكە اسىرۋ ارقىلى ەلدىڭ مينەرالدىشيكىزاتتىق بازاسىن نىعايتۋعا، سول ارقىلى قازاقستاننىڭ ەكونوميكاسىن جاقسارتۋعا مۇمكىندىك تۋادى.
اتالمىش جوبانى ىسكە اسىرۋعا 2011 جىلى يننوۆاسيالىق گرانت ەسەبىنەن 14 ملن. 908 مىڭ تەڭگە قارجى بولىنگەن.