رەسەي زەينەتكەرلەر ءۇشىن ەڭ قولايسىز مەملەكەت. بۇل تۋرالى جاھاندىق زەينەتاقى يندەكسى ناقتىلادى، دەپ جازادى Qamshy.kz اقپارات اگەنتتىگى.

2017 جىلدىڭ رەيتينگ كورسەتكىشىندە رەسەي 43 مەملەكەتتىڭ ىشىندە 40-ورىندا تۇر. زەينەتكەرلەرگە ودان دا تومەن جاعداي جاسالعان مەملەكەتتەر قاتارىندا مىنالار بار: برازيليا، گرەسيا، شۆەسيا جانە جاڭا زەلانديا. ال ورتالىق ازيا مەملەكەتتەرى رەيتينگىدە كورسەتىلمەگەن.

يندەكستىڭ قۇرىلىمى بويىنشا پارامەترلەر قاتارى 0-دەن 100-گە دەيىنگى شكالامەن باعالانادى. ولار – زەينەتكەرلەردىڭ قارجىسى، ماتەريالدىق تۇرعىدان قاماتاماسىز ەتىلۋى جانە ءومىر مەن دەنساۋلىق ساقتاۋ ساپاسى. ساراپشىلاردىڭ ەسەپتەۋىنشە، ءبىر جىل ىشىندە رەسەيدە ماتەريالدىق جاعداي مەن دەنساۋلىق ساقتاۋ جۇيەسى ايتارلىقتاي تومەندەگەن.

بۇدان بۇرىن ەسەپ پالاتاسىنىڭ باسشىسى تاتيانا گوليكوۆا رەسەيدە 22 ملن. ادام نەمەسە تۇرعىنداردىڭ 15%-ى كەدەيلەنگەنىن ايتقان. ال ولاردىڭ كوبى زەينەتكەرلەر بولىپ شىقتى.

ەكونوميكالىق دامۋ مينيسترلىگىنىڭ بولجامىنشا، الداعى 20 جىل ىشىندە رەسەيدە زەينەتاقىنىڭ ءوسۋى كۇتىلمەيدى، ال 2022 جىلعا دەيىن زەينەتاقىنىڭ مولشەرى تومەندەۋى مۇمكىن. 2014 جىلدان باستاپ زەينەتاقىنى قارجىلاندىرۋ ءموروتورييى ىسكە قوسىلعان.