ينۆەستيسيالار جانە دامۋ ءمينيسترى جەڭىس قاسىمبەك مەتاللۋرگتەردى مەرەكەسىمەن قۇتتىقتادى. ول ءوزىنىڭ قۇتتىقتاۋىن الەۋمەتتىك جاريالادى.

"بۇگىن يندۋستريا سالاسىنىڭ قوزعاۋشى كۇشى، ەل ەكونوميكاسىنداعى ۇلكەن ماڭىزعا يە سالالاردىڭ بىرىندە ولشەۋسىز قىزمەت اتقارىپ كەلە جاتقان مەتاللۋرگتەرىمىزدىڭ كاسىبي مەرەكەسى. 
تاۋ-كەن مەتاللۋرگيا سالاسى اسقان توزىمدىلىكتى، كاسىبيلىكتى، ۇلكەن جاۋاپكەرشىلىكتى قاجەت ەتەتىن ماماندىق بولعاندىقتان، سىزدەردىڭ قوعام الدىنداعى مارتەبەلەرىڭىز قاشان دا جوعارى!
مەملەكەتتىك دەڭگەيدەگى قولداۋ مەن مەتاللۋرگتەرىمىزدىڭ تىنىمسىز ەڭبەگىنىڭ ارقاسىندا تمك ءوندىرىس كولەمىندە ءوسۋ ءۇردىسى بايقالاتىنىن ايتقىم كەلەدى. 2017 جىلدىڭ العاشقى جارتىجىلدىعىنداعى مەتالل كەنىن ءوندىرۋ كولەمى 111،2%، تەمىر كەنىن ءوندىرۋ كولەمى 108،5%، ءتۇستى مەتالل كەنىن ءوندىرۋ كولەمى 111،9%، مەتاللۋرگيالىق ونەركاسىپتىڭ ءونىمىن ءوندىرۋ ناقتى كولەم يندەكسى 107،9%، نەگىزگى اسىل جانە ءتۇستى مەتاللۋرگيالىق ونەركاسىپتىڭ نيك-ى 107،3%، قارا مەتاللۋرگيالىق ونەركاسىپتىڭ نكي-ى 109،1% قۇرادى. سونداي-اق، تاۋ-كەن مەتاللۋرگيالىق كومپانيالار مەملەكەت باسشىسىنىڭ بەرگەن تاپسىرماسىنا سايكەس ءوندىرىستى قايتا جانداندىرۋ باعىتىندا ۇلكەن جۇمىستار اتقارىپ جاتىر. 
قۇرمەتتى، مەتاللۋرگتەر! سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىن. مەتاللۋرگيا سالاسى – ەل ەكونوميكاسىنىڭ باستى كورسەتكىشتەرىنىڭ بىرىنە اينالىپ وتىر. ءدال وسى باعىتتا كوپتەگەن جۇمىس ورىندارىنىڭ اشىلۋى، جاڭا ينۆەستيسيالىق جوبالاردىڭ قولعا الىنۋى – سىزدەرگە دەگەن مەملەكەتتىڭ زور سەنىمىنىڭ كورسەتكىشى. ءوندىرىستى قايتا جانداندىرىپ، بۇرىن وندىرىلمەگەن ونىمدەر شىعارىپ، جوعارى سۇرانىسقا يە ءونىم تۇرلەرىن ارتتىرىپ، ەل يگىلىگى ءۇشىن قىزمەت ەتۋ جولىندا بارشاڭىزعا سارقىلماس كۇش، قاجىماس قايرات تىلەيمىن. "