قازاقستان ونەركاسىبىنە يندۋستريا 4.0 ەلەمەنتتەرىن ەنگىزۋدى ازىرلەۋ جۇمىستارىنىڭ ەكىنشى كەزەڭى اياقتالدى.

«قازاقستاندىق يندۋستريا دامىتۋ ينستيتۋتى» اق-نىڭ ساراپشىلارى گەرمانيالىق فراۋنگوفەر قوعامىنىڭ (Fraunhofer-Gesellschaft) ماماندارىمەن بىرلەسە وتىرىپ، ءبىر اپتا بويى يندۋستريالاندىرۋ ساياساتىن قۇرۋ ۇردىسىنە قاتىساتىن مەملەكەتتىك ورگانداردان، دامىتۋ ينستيتۋتتارى مەن باسقا دا مۇددەلى تاراپتاردان سۇحبات الدى.
سۇحبات الۋ بارىسىندا ساراپشىلار ونەركاسىپتە يندۋستريا 4.0 (IT تەحنولوگيالارى، ءوندىرىستى اۆتوماتتاندىرۋ جانە سانداندىرۋ جانە ت.ب.) ەلەمەنتتەرىن ەنگىزۋدى قولداۋ بويىنشا اعىمداعى جاعدايدى انىقتاۋ ءۇشىن مۇددەلى تاراپتاردىڭ باستامالارىن انىقتادى. ول ءۇشىن فراۋنگوفەر ماماندارى قازاقستان ونەركاسىبىنىڭ دايىندىق دەڭگەيىن باعالاۋ ادىستەمەسىن ازىرلەدى.