بەلگىلى The Ring باسلىمىنىڭ ءجۋرناليستى دۋگلاس فيشەر 16 قىركۇيەكتە ساۋل "كانەلو" الۆارەسكە قازاقستاندىق گەنناديي گولوۆكيندى قالاي ۇتۋعا بولاتىنى تۋرالى ءوز ويىن ايتتى، - دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساپ. 

"كانەلو" ورتا سالماقتاعى ءبىر سوققىدان نوكاۋتقا تۇسىرەتىن بوكسشى ەمەس. ونداي بولعان كۇننىڭ وزىندە گولوۆكيننىڭ يەگى مىقتى. سونىمەن بىرگە، 16 قىركۇيەكتە الۆارەس جەڭەدى دەپ ويلايمىن. جەكپە-جەك قاباقتىڭ جارىلۋىنا بايلانىستى توقتاتىلادى. بۇل مۇمكىن ەمەس جايتتاردىڭ قاتارىنان ەمەس. گولوۆكين تالانتتى جانە ءىرى دەنيەل دجەيكوبسپەن تاياق جەمەي 12 راۋند جۇدىرىقتاسا العانىمەن، "كانەلومەن" جەكپە-جەكتە ونىڭ بەتىنەن بەت قالمايتىنىنا كەپىل بەرەمىن.

سوندىقتان "كانەلو" جاقىن ارالىقتا جۇدىرىقتاسادى. قولى اۋىر پانچەر جاقىن كەلسە بار ونەرىن كورسەتەدى. مەنىڭشە، "كانەلو" جاقىن ارالىقتا جۇدىرىقتاسۋ مەن قاشان دەمالۋ كەرەكتىگىن ءدال ۇيلەستىرە السا، جەڭىستىڭ كىلتىن تابادى"، - دەيدى فيشەر.

گولوۆكين مەن الۆارەس اراسىنداعى كەزدەسۋ 16 قىركۇيەك كۇنى لاس-ۆەگاستاعى T-Mobile سپورت كەشەنىندە وتەدى. ءقازىردىڭ وزىندە بۇل بوكس كەشىنىڭ بيلەتتەرى ساتىلىپ كەتكەن. اقش جەرىندە جەكپە-جەكتى نۆو ارناسى اقىلى جۇيە بويىنشا كورسەتەدى.