استانا قالاسى اكىمدىگىنىڭ جۇمىسپەن قامتۋ ورتالىعىندا پروكۋراتۋرا، جەرگىلىكتى پوليسيا وكىلدەرى مەن جۇمىس بەرۋشىلەردىڭ قاتىسۋىمەن وقۋشىلاردى جۇمىسپەن قامتۋ بويىنشا كەزدەسۋ ءوتتى دەپ حابارلايدى Qamshy.kz  اقپارات اگەنتتىگى استانا اكىمدىگىنڭ باسپا ءسوز قىزمەتىنە سىلتەمە جاساي وتىرىپ.

استانا قالاسى ءىىد جەرگىلىكتى پوليسياسىنىڭ يۋۆەنالدىق پوليسياسى جىل سايىن قۇقىق بۇزۋشىلىق ارەكەت جاساعان كامەلەت جاسقا تولماعانداردى وڭالتۋ اياسىندا ولاردى جۇمىسقا ورنالاستىرۋ جانە جاز مەزگىلىندە بوس ۋاقىتتارىن ۇيىمداستىرۋ شارالارىن وتكىزەدى. بۇل باعىتتاعى جۇمىستارعا استانا قالاسىنىڭ جۇمىسپەن قامتۋ، ەڭبەك جانە الەۋمەتتىك باعدارلامالار، جاستار ماسەلەلەرى جونىندەگى، ءبىلىم باسقارمالارى جانە ەلوردا پروكۋراتۋراسى تىكەلەي جانە بەلسەندى تۇردە قاتىسادى.

ورتالىققا جۇمىس ىزدەپ 16 مەن 18 جاس ارالىعىنداعى 10 بوزبالا كەلگەن.

«سكيف ترەيد» ج ش س، «Magnumcash&carry»، «كرەپەج ماركەت» ج ش س ولارعا بولشەكتەۋشى، ساتۋشى، جۇك تيەۋشى، كاسسير جانە ساۋدا وكىلى جۇمىستارىن ۇسىندى.

 - ءبىزدىڭ كەزدەسۋىمىزدىڭ نەگىزگى ماقساتى –جۇمىسقا ورنالاسۋعا كومەكتەسۋ، وزگە مەملەكەتتىك ورگاندارمەن قارىم-قاتىناس ورناتۋ، بالالارعا قيىن جاعدايدا كومەك كورسەتۋ، - دەدى تۇرعىنداردى جۇمىسپەن قامتۋ ورتالىعى ديرەكتورىنىڭ الەۋمەتتىك سۇراقتار بويىنشا كەڭەسشىسى ارنۇر يسكاكوۆ.