سينوپتيكتەر دەمالىس كۇندەرىنە ارنالعان اۋا رايى بولجامىن ۇسىنىپ وتىر، دەپ حابارلايدى Qamshy.kz اقپارات اگەنتتىگى كازگيدرومەت رمك-عا سىلتەمە جاساپ.

قازاقستاننىڭ وڭتۇستىگىندە، وڭتۇستىك-شىعىسىندا جانە وڭتۇستىك-باتىسىندا دەمالىس كۇندەرى جاۋىن-شاشىنسىز وتە قاتتى ىستىق اۋا رايى كۇتىلەدى. كۇندىزگى ۋاقىتتا تەرمومەتر كورسەتكىشتەرى پليۋس 35...40°، كەي جەرلەردە 43°س كوتەرىلەدى.  27 شىلدەدە الماتىدا جانە تالدىكورعاندا تەمپەراتۋرا ماكسيمۋمى بۇل كۇنى 3° جابىلعان.

ەلىمىزدىڭ باتىسىندا اتموسفەرالىق فرونتتاردىڭ وتۋىنە بايلانىستى 31 شىلدەدە ىستىقتىڭ قايتۋى كۇتىلەدى، ءبىراق دەمالىس كۇندەرى جانە كەي جەرلەرىندە 37...41° بولادى. رەسپۋبليكامىزدىڭ سولتۇستىك، ورتالىق جانە شىعىس اۋداندارىندا جازدىڭ جىلى اۋا رايى بولىپ، نايزاعايمەن جاڭبىر بولادى، نايزاعاي كەزىندە داۋىلدى جەل كۇتىلەدى. قازاقستاننىڭ بارلىق تەرريتورياسىندا اۋا تەمپەراتۋراسى كليماتتىق نورمادان 3...7°س جوعارى بولادى دەپ كۇتىلەدى.