استانادا ازىق-تۇلىك ونىمدەرىنىڭ نەگىزگى تۇرلەرىنە باعانى رەتتەۋ بويىنشا كۇن سايىن تەكسەرۋ جۇرگىزىلۋدە، دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

اتاپ ايتقاندا، قالا بيلىگى "استىقجان"، "ماگنۋم" جانە "شاپاعات" بازارلارى سياقتى قالانىڭ ساۋدا ورتالىقتارىندا باعانى تۇراقتاندىرۋ بويىنشا باقىلاۋ جۇرگىزۋدە.  

ستاتيستيكاعا سايكەس، الەۋمەتتىك ماڭىزى بار ازىق-تۇلىك ءونىمىنىڭ باعاسى اي باسىنان 98،4 پايىزدى قۇرايدى. باعانى تۇراقتاندىرۋ ماقساتىندا مامىر ايىنان باستاپ 30-دان استام وڭىرلىك اۋىل شارۋاشىلىق جارمەڭكەسى ءوتتى، 11660 ت ءونىم ىسكە اسىرىلدى. سالىستىرىپ العاندا 2016 جىلى 12 مىڭ ت ءونىم ىسكە اسىرىلدى، ولاردىڭ 3660 تونناسى تەك كوكونىس ونىمدەرى، ولاردىڭ ىشىندە: كارتوپ شامامەن - 800 ت، ورتاشا باعاسى - 110 تگ/كگ (استانا ق. بويىنشا ورتاشا باعا 160 تگ/كگ)، قىرىققابات 900 تگ/كگ (ورتاشا باعا – 109 تگ/كگ)، پياز – 120 تگ/كگ (ورتاشا باعا 154 تگ/كگ)، ءسابىز – 150 تگ/كگ (ورتاشا باعا 140 تگ/كگ). 5-6 تامىزدا اتىراۋ جانە قوستاناي وبلىستارىنىڭ جارمەڭكەسى وتەدى.

ءىرى وتاندىق وندىرۋشىلەرمەن جاسالعان كەلىسىمشارتتار اياسىندا سيىر ەتىنىڭ ساتىپ الۋ باعاسى بەكىتىلدى (1300 تگ/كگ)، ساتىلىمعا سۇيەكسىز جۇمساق ەتتىڭ 1 كەلىسى  1350 تەڭگەدەن شىعارىلادى. 

«Astana» اكك» ۇك» اق «كەڭمارت» سو جانە «استىقجان» سو-نا جالپى كولەمى 300 ملن. تەڭگە (ءارقايسىسىنا 150 ملن. تەڭگەدەن) سوماسىندا نەسيە بەردى. ءقازىر بۇل نىساندار اعىمداعى جىلدىڭ سوڭىنا دەيىن تاۋاردىڭ 10 ساناتى بويىنشا ازىق-تۇلىك ءونىمىنىڭ 49 تۇرىنە وزدەرىنىڭ باعاسىن بەكىتتى. اتاپ ايتقاندا: تاۋىر ەتى، ءسۇت ونىمدەرى، گاسترونوميا، سۋسىندار، جارتىلاي فابريكاتتار، سۇيىق ماي، نان جانە توقاش ونىمدەرى جانە ت.ب.

قانت باعاسىن تۇراقتاندىرۋ ماقساتىندا تەكسەرۋ جۇرگىزىلۋدە. قانتتىڭ باعاسى 260 تگ/كگ بولىپ بەكىتىلگەن.

«استىقجان»، «كەڭمارت»، «ماگنۋم»، «شاپاعات»، «اپرەل»، «ا2» جەلىسى، «ۆسترەچا»، «الما» سۋپەرماركەتى،  «5 مينۋت» ساۋدا جۇيەسى سەكىلدى 33 ساۋدا نىسانىندا ازىق-تۇلىك ونىمدەرى ىسكە اسىرىلادى.