«ۇلت جوسپارىنىڭ -100 ناقتى قادامىنىڭ» - 77ء-شى قادامىن ورىنداۋ ماقساتىندا ەلىمىزدە 10 الدىڭعى قاتارلى كوللەدج بەن 10 جوعارعى وقۋ ورنى تاڭدالدى. اقتوبەدەگى پوليتەحنيكالىق كوللەدجى دە وزگە وقۋ ورىندارىنا ۇلگى، دەپ حابارلايدى qamshy.kz ءتىلشىسى.
«مودۋلدىك تاسىلدەمەمەن ازىرلەنگەن وقۋ باعدارلامالارىنىڭ ەرەكشەلىگى ءبىلىم الۋشى ءار ءمودۋلدى اياقتاعاننان كەيىن بەلگىلى ءبىر قۇزىرەتتىلىككە يە بولادى. بىرنەشە ماماندىقتى قاتار الىپ شىعادى. ءداستۇرلى وقىتۋدا ورتا بۋىن ماماندىعى بويىنشا ءبىر ديپلوم الىپ، مىسالى، تەحنيك-تەحنولوگ، تەحنيك-مەحانيك بولىپ شىعادى. ال، مودۋلدىك تاسىلدەمە بويىنشا ءوز ماماندىعىنان وزگە تاعى ەكى جۇمىسشى ماماندىعىن الىپ شىعادى»، - دەيدى اقتوبە پوليتەحنيكالىق كوللەدجىنىڭ ادىسكەرى ميرا ەسەتوۆا.
ۇزدىك ءبىلىم ورداسىندا مودۋلدىك تاسىلدەمە بويىنشا 9 ماماندىققا تيپتىك وقۋ جوسپارى دايىن. جاڭا وقۋ جىلىنان باستاپ جۇزەگە اسىرىلادى. ال، وتكەن جىلدان بەرى «ەلەكترمەن قامتاماسسىزداندىرۋ» جانە «اقپاراتتىق جۇيەلەر» ماماندىقتارىنا ستۋدەنتتەر جاڭا تاسىلمەن دايارلانا باستادى. "ماشينا جاساۋ تەحنولوگياسى" ماماندىعى بويىنشا ماتەريالدىق-تەحنيكالىق بازاسىن جابدىقتاۋ ءۇشىن كوللەدج بيىل 200 ميلليون تەڭگە ءبولۋدى جوسپارلاعان. جوسپار «كاسىپقور» حولدينگى كەاق اراسىندا جاسالعان شارتتاردىڭ نەگىزىندە قولعا الىنادى.
«مودۋلدىك تاسىلدەمە بويىنشا تيپتىك وقۋ جوسپارلارى «كاسىپقور» حولدينگىمەن 130 ماماندىققا بيىل دايىندالدى. ەندى 1 قىركۇيەكتەن باستاپ، مودۋلدىك تاسىلدەمە بويىنشا ازىرلەنگەن وقۋ باعدارلامالارىمەن جۇمىس جاسايمىز. كوللەدجدە ءقازىر 130 ماماندىقتىڭ توعىزىنا تيپتىك وقۋ جوسپارى دايىن. بيىل ماماندار دايارلاۋدى باستايمىز. ودان وزگە، شەتەلدىك ارىپتەستەردەن دە قولداۋ بار. ول دا «كاسىپقور» حولدينگى ارقىلى ىسكە اسادى»،-دەيدى ميرا ەسەتوۆا.
اقتوبەدە ەڭبەك نارىعىندا سۇرانىسقا يە 14 جاڭا ماماندىق اشۋ جانە ليسەنزياالۋ قاراستىرىلعان. جاڭا وقۋ جىلىندا تەحنيكالىق جانە كاسىپتىك ءبىلىم بەرۋ ۇيىمدارىنا 1000-نان استام تالاپكەر قابىلدانادى. ال، مەملەكەتتىك تاپسىرىس بويىنشا وقۋعا قابىلدانۋشىلار سانى 5000-نان جوعارى.«بيىل تەحنيكالىق جانە كاسىپتىك ءبىلىم بەرۋ جۇيەسىندە "بارشاعا ارنالعان تەگىن كاسىبي-تەحنيكالىق ءبىلىم بەرۋ" جوباسى ىسكە اسىرىلا باستادى. وبلىستا كادرلارعا سۇرانىس جۇمىسپەن قامتۋ جانە الەۋمەتتىك باعدارلامالار باسقارماسى جانە باسقا دا سالالىق باسقارمالارمەن بىرلەسىپ جۇرگىزىلگەن تالداۋلار نەگىزىندە انىقتالدى. مەملەكەتتىك ءبىلىم بەرۋ تاپسىرىسىنىڭ جوباسى سۇرانىسقا يە ماماندىقتار بويىنشا ءبولىندى. بيىل جاڭا ماماندىقتار اشۋ ءۇشىن جەرگىلىكتى بيۋدجەتتەن 250 ميلليون تەڭگە قاراجات ءبولىندى»، - دەيدى اقتوبە وبلىستىق ءبىلىم بەرۋ باسقارماسىنىڭ باسشىسى ساۋلە ومىربەكوۆا.
پىكىر قالدىرۋ