قازاقستاندىق ۆولەيبولشىلار ءوز تاريحىندا ەكىنشى رەت ەرلەر اراسىنداعى ازيا چەمپيوناتىنىڭ جارتىلاي فينالىنا شىقتى دەپ حابارلايدى Qamshy.kz اقپارات اگەنتتىگى prosports.kz-كە سىلتەمە جاساي وتىرىپ.

يگور نيكولچەنكو شاكىرتتەرى توپتا 2 ۇپاي جيناپ، ءۇشىنشى ورىن العان بولاتىن. وسىلايشا، شيرەك فينالدا قازاقستاندىق ۆولەيبولشىلار قىتايلىق تايپەي كومانداسىمەن كۇش سىناسادى.

ويىن تەڭ دارەجەدە ءوتتى، ءبىراق ءبىزدىڭ ۆولەيبولشىلار ءۇش ويىندا دا باسىمدىققا قول جەتكىزدى — 22:25، 22:25، 23:25. وسىلايشا، قازاقستان قۇراماسى ءوز تاريحىندا ەكىنشى رەت قۇرلىقتىق دودانىڭ جارتىلاي فينالىنا شىعىپ وتىر. العاش رەت 1993 جىلى وتكەن بولاتىن. 

ەندى قازاقستان قۇراماسى جارتىلاي فينالدا وڭتۇستىك كورەيا – جۇڭگو ماچىنىڭ جەڭىمپازىمەن كەزدەسەدى. جارتىلاي فينالدىق ويىن 31 شىلدەدە وتەدى.