قازاقستان رەسپۋبليكاسى 2017 جىلعى 28 شىلدەدەگى كورەي حالىق-دەموكراتيالىق رەسپۋبليكاسىنىڭ بالليستيكالىق زىمىراندى ۇشىرۋىن باتىل ايىپتايدى، دەپ حابارلايدى Qamshy.kz اقپارات اگەنتتىگى ق ر ءسىم باسپا ءسوز قىزمەتىنە سىلتەمە جاساپ.
مۇنداي-ىس-ارەكەتتەر بۇۇ قاۋىپسىزدىك كەڭەسىنىڭ قارارىن ورەسكەل بۇزۋشىلىق بولىپ تابىلادى، الەمگە ءقاۋىپ توندىرەدى جانە شىعىس ازيا وڭىرىندە جانە جاھاندىق اۋقىمدا جاعدايدى ۋشىقتىرادى.
قحدر-نىڭ جاۋاپسىز ساياساتى يادرولىق قارۋسىزدانۋدىڭ جاھاندىق پروسەسىنە كەرى اسەر ەتەدى، بولاشاق يادروسىز عالامشاردى قامتاماسىز ەتۋ جونىندەگى ۇجىمدىق كۇش-جىگەرگە زيان كەلتىرەدى. قحدر-دى ءوز حالقىنىڭ قاۋىپسىزدىگى مەن دامۋى، سونداي-اق بۇكىل ادامزاتتىڭ يگىلىگى ءۇشىن يادرولىق مەنمەندىكتەن باس تارتۋعا تاباندى تۇردە شاقىرامىز.
قحدر-دىڭ زىمىراندىق جانە يادرولىق باعدارلاماسىنىڭ ءقاۋپى بۇكىل مۇددەلى تاراپتارعا كەلىسسوزدەر پروسەسىن جەدەل تۇردە قايتا باستاۋ ارقىلى ءوزارا ءتيىمدى شەشىمدى ىزدەستىرۋ جونىندەگى كۇش-جىگەردى جانداندىرۋدى تالاپ ەتەدى. قالىپتاسقان جاعدايدان شىعۋ سولتۇستىك كورەيا بيلىگىنىڭ ارانداتۋشىلىق ىس-ارەكەتتەرىنەن تۋىنداعان پروبلەمانى كۇشپەن ەمەس، ناق كەلىسسوزدەر ارقىلى شەشۋگە بولادى دەپ ەسەپتەيمىز.
پىكىر قالدىرۋ