بۇگىن ۋەفا-نىڭ جاڭارتىلعان رەيتينگىcءى شىقتى. جاڭارتىلعان رەيتينگ بويىنشا ەلوردالىق «استانا» ۇجىمى قازاق كلۋبتارى اراسىندا تۇڭعىش رەت الەمدەگى ۇزدىك دەگەن ءجۇز كلۋبتىڭ قاتارىنا قوسىلدى، دەپ حابارلايدى Qamshy.kz اقپارات اگەنتتىگى vesti.kz-كە سىلتەمە جاساي وتىرىپ. 

ۋەفا-نىڭ جاڭارتىلعان رەيتينگىندە «استانا» 96-ساتىعا جايعاسىپتى. ەلوردالىق كلۋبتىڭ ەسەبىندە جالپى 16،925 ۇپاي بار. ال بيىلعى جىلى "استانا" 0،400 ۇپاي جيناعان. 

قازىرگى ۋاقىتتا ءبىزدىڭ كلۋب «بوردو» (فرانسيا)، «ۆەست حەم» (انگليا)، «ليلل» (فرانسيا)، «شتۋتتگارت» (گەرمانيا)، «پارتيزان» (سەربيا)، «پاناتينايكوس» (گرەكيا) سەكىلدى ەۋروپاداعى ازۋلى كلۋبتاردىڭ الدىن وراپ تۇر. 

قازاقستاندىق باسقا كلۋبتارعا توقتالاتىن بولساق، «اقتوبە» 179-ورىندا، «قايرات» (الماتى) - 192، «شاحتەر» (قاراعاندى) - 194، «ەرتىس» (پاۆلودار) - 265، «ورداباسى» (شىمكەنت) 278-ورىنداردا تۇر. 

ال ۋەفا-نىڭ كلۋبتار اراسىنداعى رەيتينگىن «رەال» باستاپ تۇرسا، ءمادريدتىڭ ەكىنشى كومانداسى «اتلەتيكو» ەكىنشى ورىندا، «بارسەلونا» ۇزدىك ۇشتىكتى تۇيىندەپ تۇر.