پرەزيدەنت حالىققا جولداۋىندا "
ءۇشىنشى كەشەندى مىندەت – ەڭبەك نارىعىن جاڭعىرتۋ.
جاڭا تەحنولوگيالاردىڭ ەنگىزىلۋىنە بايلانىستى ءداستۇرلى سالالاردا ەڭبەك رەسۋرستارى بوساپ قالاتىن بولادى. سونىمەن بىرگە، جاڭا يندۋستريا قۇرىپ، دامىتۋ جۇمىسپەن قامتۋدىڭ جانە ازاماتتاردىڭ ناقتى تابىسىن ءوسىرۋدىڭ قوسىمشا مۇمكىندىگى بولۋعا ءتيىس.
ۇكىمەت پەن اكىمدەرگە ەڭبەككەرلەردىڭ باسقا سالالارعا باسقارۋ اياسىندا اۋىسۋى ءۇشىن جاعداي جاساۋدى تاپسىرامىن.
ءبىزدىڭ ءىرى كاسىپورىندار اكىمدىكتەرمەن بىرلەسە وتىرىپ، ءتيىستى جول كارتالارىن ازىرلەۋى كەرەك. وندا قىسقارتىلاتىن جۇمىسشىلاردى قايتا دايارلاۋ، ولاردى ءارى قاراي جۇمىسپەن قامتۋ ءۇشىن بىرلەسىپ ينۆەستيسيا سالۋ جايى قاراستىرىلۋى قاجەت. باسى ارتىق جۇمىس كۇشى بار وڭىرلەردەن باسقا جەرلەرگە، سونداي-اق، اۋىلداردان قالالارعا جۇمىس كۇشىن ۇتىمدىلىقپەن تارتۋعا قولداۋ كورسەتۋ كەرەك.
ۇكىمەت جۇمىسپەن قامتۋ ورتالىقتارىن رەفورمالاپ، بارلىق بوس جۇمىس ورىندارى مەن بۇكىل ەلدى مەكەندەردە ءبىرىڭعاي ونلاين پلاتفورما قالىپتاستىرۋى قاجەت."، - دەپ، تاپسىرما بەرگەن ەدى.
ق ر پرەمەر-مينيسترى باقىتجان ساعىنتايەۆ قاراعاندى وبلىسىندا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى اياسىندا قازاقستاننىڭ جۇيە قۇرۋشى ونەركاسىپتىك كاسىپورىندارىن تەحنولوگيالىق جاڭعىرتۋ ماسەلەلەرى بويىنشا جۇمىس كەڭەسىن وتكىزدى، دەپ حابارلايدى qamshy.kz.
«قازاتومونەركاسىپ» ۇاك» اق باسقارما ءتوراعاسى اسقار جۇماعالييەۆ، «ERG» قاداعالاۋ كەڭەسىنىڭ ءتوراعاسى الديار قازتايەۆ، «ارسەلورميتتال تمد» اق باس ديرەكتورى كالون پارامجيت، «قازاقمىس» كورپوراسياسى» ج ش س باسقارما ءتوراعاسى باقتيار قىرىقپىشيەۆ، «قازمىرىش» ج ش س اتقارۋشى ديرەكتورى ناريمان قۋانىشيەۆ، «قازفوسفات» ج ش س باس ديرەكتورى مۇقاش ەسكەندىروۆ، «قاراعاندى كەشەندى قورىتپالار زاۋىتى» ج ش س باس ديرەكتورى ت. ماقايەۆ جانە «فيتوحيميا» ءحعوح» اق باسقارما ءتوراعاسى س. ادەكەنوۆ كاسىپورىنداردى جاڭعىرتۋ تۋرالى باياندامالارىمەن تانىستىردى.
قاراعاندى وبلىسىنىڭ اكىمى ەرلان قوشانوۆ ءوڭىردىڭ بارلىق كاسىپورىندارىن تەحنولوگيالىق جاڭعىرتۋ تۋرالى باياندادى.
كەڭەسكە مەملەكەتتىك ورگانداردىڭ، قاراعاندى وبلىسى اكىمدىگىنىڭ وكىلدەرى، اقتوبە، شىعىس قازاقستان، ماڭعىستاۋ، قوستاناي، جامبىل، پاۆلودار وبلىستارىنىڭ اكىمدەرىنىڭ ورىنباسارلارى، «سامۇرىق-قازىنا» ءۇاق» اق، «بايتەرەك» ۇبح» اق، «قتج» اق، «اتامەكەن» ۇكپ، قازاقستاننىڭ جۇيە قۇرۋشى كاسىپورىندارىنىڭ، سونداي-اق قاراعاندى وبلىسىنىڭ ونەركاسىپتىك كاسىپورىندارىنىڭ وكىلدەرى قاتىستى.
ماسەلەلەردى تالقىلاۋ بارىسىندا كومپانيالاردىڭ وكىلدەرىنىڭ سۇراقتارىنا ق ر ينۆەستيسيالار جانە دامۋ ءمينيسترى ج. قاسىمبەك، ق ر ەنەرگەتيكا ءمينيسترى ق. بوزىمبايەۆ، ق ر ۇلتتىق ەكونوميكا ءمينيسترى ت. سۇلەيمەنوۆ، سونداي-اق ق ر ءبىلىم جانە عىلىم ءمينيسترى ە. ساعادييەۆ تۇسىنىكتەمەلەر بەرىپ ءوتتى.
نەگىزىنەن رەسەي فەدەراسياسىنىڭ تەڭىز كولىك ينفراقۇرىلىمىن قازاقستاننىڭ ەكسپورتشىلارىنىڭ پايدالانۋ مۇمكىندىگى، قوسارلى ءبىلىم بەرۋ جۇيەسىن جەتىلدىرۋ، ونەركاسىپتىك كاسىپورىندار ءۇشىن قالدىقتاردى كادەگە جاراتۋ مولشەرلەمەلەرىن وزگەرتۋ سەكىلدى تاقىرىپتار قوزعالدى.
كەڭەستە باقىتجان ساعىنتايەۆ ۇكىمەتتىڭ قازاقستاننىڭ ونەركاسىپتىك كاسىپورىندارىنىڭ وكىلدەرىمەن جۇيەلى تۇردە كەزدەسۋلەر مەن كەڭەستەر وتكىزىپ تۇراتىنىن جانە كومپانيالاردىڭ ءوز زاۋىتتارىندا جاڭعىرتۋ جۇمىستارىن قالاي جۇرگىزۋگە بولاتىنى تۋرالى ناقتى جوسپارلارى بار ەكەنىن اتاپ وتۋگە بولاتىنىن ايتتى.
ق ر پرەمەر-مينيسترى ب. ساعىنتايەۆ ونىمدىلىكتى ۇلعايتۋ مەن تاۋار ساپاسىن جاقسارتۋدان بولەك، جۇمىسشىلاردى بوساتۋ ۇدەرىستەرىنە دە ەرەكشە كوڭىل ءبولۋ قاجەتتىگىن ايتتى. وسىعان وراي، اكىمدىكتەر مامانداردى ەكونوميكانىڭ ءوسۋشى سەكتورلارىنا كەلەشەكتە باعىتتاۋ ءۇشىن الدىن الا جۇمىستار جۇرگىزۋ كەرەك. ولاردىڭ قاتارىندا سەرۆيستىك قىزمەتتەر كورسەتۋ مەن قاراپايىم زاتتار ەكونوميكاسىن دامىتۋ بار. بۇدان وزگە، ادامدار جاڭا تەحنولوگيالار قولدانىلاتىن سالالارعا جۇمىسقا ورنالاسقان كەزدە جاڭا داعدىلاردى مەڭگەرۋى ءۇشىن قايتا وقىتۋ جۇمىستارىن جۇرگىزۋ كەرەك.
باقىتجان ساعىنتايەۆ مەملەكەتتىك ورگاندارعا اتالعان ماسەلەلەردى باقىلاۋعا الۋدى تاپسىردى. سونداي-اق، ەكسپورتقا قاتىستى ءبىرقاتار ماسەلەلەر الدا وتەتىن ەۋرازيالىق ۇكىمەتارالىق كەڭەس وتىرىسى بارىسىندا تالقىلاناتىن بولادى.
پىكىر قالدىرۋ