الماتى قالاسىنىڭ اكىمدىگى مەن «نۇرتاۋ» گولف-كلۋبى بىرلەسىپ، 6-13 جاس ارالىعىنداعى جاسوسپىرىمدەرگە گولف ويناۋدى تەگىن ۇيرەتپەك، دەپ حابارلايدى Qamshy.kz اقپارات اگەنتتىگى.

كاسىپقوي باپكەرلەر كۇن سايىن - دۇيسەنبىدەن جۇماعا دەيىن، توپتارعا بولىنگەن بالالار اراسىندا شەبەرلىك ساباقتارىن وتكىزەدى. سونىمەن قاتار، قاتىسۋشىلار وزدەرىنە ىڭعايلى ۋاقىت پەن كۇندى تاڭداپ، اپتاسىنا ەكى رەت ءبىر ساعاتتان جاتتىعا الادى.

«ساباقتار اقىسىز وتكىزىلەدى. بارلىعىن كەرەكتى جابدىقتارمەن ءوزىمىز قامتاماسىز ەتەمىز. 6-13 جاس ارالىعىنداعى جەتكىنشەكتەر بىزگە كەلىپ، گولف ويىنىنىڭ ادىستەرىن مەڭگەرە الادى. ءقازىردىڭ وزىندە 300 بالا ءتۇرلى قالا اۋداندارىنان كەلىپ، قىزۋعىشىلىعىن تانىتىپ جاتىر. ءبىز قاتىسۋشىلار سانىن كوبەيتپەكپىز، ماقساتىمىز - گولفتى ەلگە تانىتۋ. قالانىڭ بارلىعىن قامتىپ، جاقسى ويىنشىلاردى ىرىكتەيمىز»، - دەپ اتاپ ءوتتى بالالار اكادەمياسىنىڭ باس باپكەرى الەكساندر ۆونگاي.

ونىڭ ايتۋىنشا، گولف ەلىمىز ءۇشىن جاس سپورت ءتۇرى، ەندى عانا دامىپ كەلەدى. الايدا، ەلىمىزدە جاستار ۇلگى تۇتارلىق گولف شەبەرلەرى از ەمەس. ماسەلەن، حالىقارالىق سايىستاردىڭ چەمپيونى داۋلەت تىلەۋبايەۆ. ول ءقازىر اقش-تا جاتتىعۋ ۇستىندە.

گولف - سپورتتىق ويىن، 2016 جىلى وليمپيادا ويىندارىنا ەنگىزىلدى.

باعدارلاما تۋرالى تولىق اقپاراتتى Nurtau.kz سايتىنان بىلۋگە بولادى.