اقمولا وبلىستىق توتەنشە جاعدايلار دەپارتامەنتى كىشكەنتاي بالالاردى جالعىز قالدىرماۋدى سۇرايدى، دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

توتەنشە جاعدايلار دەپارتامەنتىنىڭ مالىمەتىنشە، كوپتەگەن اتا-انا بالالارى ءۇشىن اشىق تەرەزە ءولىم قاۋىپ-قاتەرىن ءتوندىرۋى مۇمكىن ەكەندىگىن ۇمىتىپ كەتەدى. 

"ادەتتە كوپتەگەن جاعدايلاردا بالالار ءارتۇرلى زاتتاردى پايدالانا وتىرىپ، ءوز بەتىنشە تەرەزە الدى تاقتايىنا شىعادى، موسكيتتى تورعا سۇيەنە وتىرىپ، تەرەزەدەن ونىمەن بىرگە قۇلاپ كەتكەن. سونداي-اق، كوبىنەسە قۇلاۋدىڭ سەبەبى ەرەسەكتەر بالالاردىڭ ءجۇرىس-تۇرىسىن قاداعالاماۋىنان، تۋىستارى مەن جاقىندارىنىڭ الاڭداماۋى، تەرەزەنى جابۋدى ۇمىتىپ كەتۋ، جيھازدى دۇرىس ورنالاستىرماۋ، بۇل بالالاردىڭ ءوز بەتىنشە تەرەزە شىعۋىنا مۇمكىندىك بەرەدى جانە ول جابىق تەرەزەسىن تۋعىزدىراتىن موسكيتتى توردىڭ بولۋىنا بايلانىستى"،– دەپ حابارلادى اقمولا وبلىستىق تجد وكىلدەرى.

بيىل 2-توقساندا رەسپۋبليكا بويىنشا تەرەزەدەن ادام قۇلاعان 31 وقيعا (بارلىعى بالالار) بولعانىن اتاپ وتكەن ءجون. سونىڭ سالدارىنان 7 بالا قايتىس بولىپ، 24 بالا ءار ءتۇرلى جاراقاتىمەن ەمدەۋ مەكەمەلەرىنە جاتقىزىلعان.

قايعىلى جاعدايلاردى بولدىرماۋ ءۇشىن اقمولا وبلىسى توتەنشە جاعدايلار دەپارتامەنتى قاۋىپسىزدىك شارالارىن مۇمكىندىگىنشە ساقتاۋ تۋرالى قالا تۇرعىندارى مەن قوناقتارىن ەسكەرتەدى.

"1. كىشكەنتاي بالالاردى جالعىز قالدىرماڭىزدار؛ 2. بالا تەرەزەگە مىنە المايتىنداي قىلىپ، تەرەزەدەن بارلىق جيhاز تۇرلەرىن جىلجىتىڭىز؛ 3.موسكيتتى تورعا سەنبەڭىز! ولار بالالاردى قۇلاۋدان قورعاۋ ءۇشىن ارنالماعان، كەرىسىنشە جالعان ءقاۋىپسىز سەزىم قالدىرادى. وتە ءجيى بالالار تورمەن بىرگە قۇلايدى؛ 4. مۇمكىندىگىنشە تەرەزەلەردى تومەنگى جاعىنان ەمەس، جوعارى جاعىنان اشىڭىز؛ 5. تەرەزەلەرگە ارنايى بەكىتپەنى ورناتىڭىز، ولار بالاعا تەرەزەنى بىرنەشە سانتيمەتردەن ارتىق اشۋعا مۇمكىندىك بەرمەيدى؛ 6. ەگەر ءسىز بالاعا تەرەزەدەن ءبىر نارسە كورسەتسەڭىز، بالانى كيىمىنەن ۇستاماي، بالانىڭ جىلدام قوزعالىسىنا دايىن بولىپ، ونى ءارقاشان مىقتى ۇستاڭىز"، – دەپ ەسكەرتتى تجد وكىلدەرى.

سونداي-اق، ءقاۋىپ پايدا بولعان كەزدە جانە قۇتقارۋ قىزمەتىنىڭ قاجەتتىگى تۋرالى ماڭىزدى اقپاراتتى حابارلاۋ ءۇشىن اقمولا وبلىسى توتەنشە جاعدايلار دەپارتامەنتىنىڭ ءبىرىڭعاي كەزەكشى-ديسپەچەرلىك قىزمەت باسقارماسىنا 112 تەلەفون ءنومىرى ارقىلى حابارلاسۋدى سۇرايدى.