قوعامدا ءالى كۇنگە دەيىن ءبىر شەشىمى تابىلماي كەلە جاتقان، ۋشىعىپ تۇرعان ماسەلەلەردىڭ ءبىرى – پەدوفيليزم دەرتى. كۇندەلىكتى الەم بويىنشا بىرنەشە مىڭداعان كىشكەنتاي بۇلدىرشىندەر پەدوفيليزم دەرتىنە شالدىققان ادامداردىڭ قۇربانىنا اينالۋدا. بۇل ماسەلەنىڭ شەشىمى تابىلعان ەمەس، ءتىپتى، ول كۇننەن-كۇنگە ءورشۋ ۇستىندە. ستاتيستيكالىق مالىمەتتەرگە سايكەس، ءار 2 مينۋت سايىن الەمدە ءبىر بالا سەكسۋالدى زورلىقتىڭ قۇربانى بولادى، دەپ جازادى Qamshy.kz اقپارات اگەنتتىگى.

بۇل ماسەلەگە قاتىستى دارىگەرلەر، قۇقىق قورعاۋ ورگاندارى، پسيحولوگ ماماندار كوپتەگەن ساقتىق شارالارىن قاتاڭ ۇستانىپ، قازىرگى تاڭدا كىشكەنتاي بۇلدىرشىندەردى ءبىر ساتكە دە قاراۋسىز قالدىرماۋدى قاتاڭ ەسكەرتەدى. سونىمەن قاتار، كەز كەلگەن ورتا جاستان اسقان جاقىن تانىس نەمەسە دوس، وتباسى مۇشەسى بولسىن، تولىعىمەن سەنىم ءبىلدىرىپ، كۇدىكتى ادامدارمەن بالالاردى جالعىز قالدىرماۋدى سۇرايدى. سەبەبى، مامانداردىڭ ايتۋىنشا، بالالار كوبىندە وتباسىلارىنىڭ جاقىن تانىسى نەمەسە دوستارى تاراپىنان زورلىققا ۇشىراپ جاتادى ەكەن.

ماماندار پەدوفيلدەردى انىقتاۋدىڭ دا بىرنەشە جولدارىن نۇسقاپ، ادامدارمەن ارالاسۋدا وتە مۇقيات بولۋ كەرەكتىگىن ايتادى. پەدوفيلدەر كىشكەنتاي بالالارعا وتە اۋەس، ەرەكشە جاقىن بولىپ كەلەدى ەكەن.

وزدەرىنىڭ قۇمارلارىن كىشكەنتاي بالالار ارقىلى قاندىراتىن قانىپەزەر قىلمىسكەرلەردى قۇرىقتاۋ، ادەتتە، بولار ءىس بولعاننان سوڭ ورىن الىپ جاتادى. ولاردى تۇتقىنداعانمەن، تىم كەش بولادى.

ال، الەۋمەتتىك جەلىدە تارالعان مىناداي اقپاراتتى كورىپ، ءتىپتى، جاعامىزدى ۇستادىق: ۇلىبريتانيادا كىشكەنتاي بالالاردىڭ كەيپىندە جاسالعان سەكس-قۋىرشاقتار ساتىلا باستاپتى. يا، راسىمەن دە سۇمدىق جاعداي. پەدوفيليا دەرتىنىڭ الدىن الۋدىڭ ورنىنا، كەرىسىنشە، ونى ودان ءارى ءورشىتۋدىڭ جولى ەكەندىگى انىق. ەڭ سوراقىسى، وزدەرىنىڭ قۇمارىن قاندىرۋ ءۇشىن كىشكەنتاي بۇلدىرشىندەردىڭ تاعدىرىمەن ويناپ، ارام پيعىلدارىن استىرتىن ىسكە اسىراتىنداردىڭ بۇل قۋىرشاققا دەگەن سۇرانىسى تىپتەن كوبەيگەن.

جەرگىلىكتى ب ا ق مالىمەتتەرىنە سۇيەنسەك، مۇنداي سەكس-قۋىرشاقتار ۇلىبريتانيادا كەڭىنەن تارالىپ، كوپ سۇرانىسقا يە بولعان. ولاردىڭ ءبىر داناسى 1000 فۋنتقا باعالانادى ەكەن.

بريتاندىق كەدەن قىزمەتكەرلەرى ءبىر جىلدىڭ ىشىندە 123 قۋىرشاقتى تاركىلەپ، ولارعا تاپسىرىس بەرۋشىلەردى قۇرىقتاعان. ولاردىڭ قاتارىندا ءبىر اي بۇرىن اباقتىعا جابىلعان ەر ادام بولعان. جىنىستىق مۇشەلەرى ەگجەي-تەگجەيلى جاسالعان بۇل قۋىرشاقتاردى پسيحولوگيالىق اۋىتقۋشىلىعى بار ادامدار تاپسىرىس بەرىپ، وزدەرىنىڭ ءتۇرلى قيالدارىن سول ارقىلى ىسكە اسىرادى ەكەن.

بەلگىلى بولعانداي، مۇنداي قۋىرشاقتار قىتايدا جاسالىپ، ۇلىبريتانياعا جەتكىزىلەدى ەكەن جانە دە ول ەلدە مۇنداي قۋىرشاقتارعا دەگەن سۇرانىس وتە كوپ بولىپ تابىلادى. بريتاندىق پوليسيا قىزمەتكەرلەرى مۇنداي قۋىرشاقتارعا تاپسىرىس بەرگەن ادامداردى تۇتقىنداپ، كوپتەگەن پەدوفيلدەردى قۇرىقتاعان.

قازىرگى تاڭدا ۇلىبريتانيا بيلىگى مۇنداي قۋىرشاقتاردى ەلگە كىرگىزۋگە تىيىم سالىپ، مۇلدەم كوزىن قۇرتۋدىڭ جولدارىن قاراستىرىپ جاتىر.

وزدەرىنىڭ وڭ-سولىن ءالى تانىپ ۇلگەرمەگەن كىپ-كىشكەنتاي بۇلدىرشىندەردىڭ تاعدىرىمەن ويناپ، ولاردىڭ اپپاق كىرشىكسىز ومىرىنە داق تۇسىرەتىندەردىڭ سانىن ازايتىپ، قوعامداعى ۇلكەن ماسەلەنىڭ الدىن الۋ قاجەت. پەدوفيلدەرگە ارنايى كىشكەنتاي بالالار كەيپىندەگى سەكس-قۋىرشاقتاردىڭ شىعۋى – بۇل دەرتتىڭ ابدەن اسقىنعانىن كورسەتكەندەي. مۇنداي ارسىزدىقتىڭ الدىن الىپ، كىشكەنتاي بۇلدىرشىندەرىمىزدىڭ بولاشاعىن قورعاۋ ءۇشىن ءارقاشان دا وتە ساق ءارى مۇقيات بولۋىمىز قاجەت.

نازەركە لابيحان