حالىقارالىق عارىش الەمىنە ءوزىنىڭ العاشقى جەر سەرىگىن ۇشىرعان افريكا دا قوسىلدى، دەپ جازادى Qamshy.kz اقپارات اگەنتتىگى. جەر وربيتاسىنان ۇشىرىلعان العاشقى افريكالىق جەر سەرىك GhanaSat-1 دەپ اتالادى. ونى گاناداعى كوفوريدۋا قالاسىندا ورنالاسقان كوپ ۇلتتى ۋنيۆەرسيتەت ينجەنەرلەرى دايىنداپ شىعاردى. ءىرى جوباعا عالىمدار 2 جىل ۋاقىتىن سارپ ەتتى، ال جەر سەرىگىن جاساۋعا كەتكەن شىعىن – $50 000. جەر سەرىك ماۋسىمدا دايىن بولىپ، عارىش ورتالىعى NASA-عا جىبەرىلگەن. ال وربيتاعا شىلدە ايىندا SpaceX كومپانياسى الىپ شىقتى.

«ءبىزدىڭ جەر سەرىگىنىڭ الدىندا ەكى ماڭىزدى تاپسىرما تۇر. بىرىنشىدەن، ىشكى كامەرالار ارقىلى ول گانا جاعالاۋلارىن باقىلاۋعا الادى. ەكىنشىدەن، ءبىز مۇنى عىلىم سالاسىنا ارناپ وتىرمىز. عارىش بارىسىندا الىنعان اقپارات مەكتەپ باعدارلاماسىنا ەنگىزىلمەك»، –  دەيدى  كوپ ۇلتتى ۋنيۆەرسيتەتتىڭ ۇستازى ريچارد داموا.

وربيتادان جىبەرىلگەن جەر سەرىگىنەن سيگنال تۇسكەندىكتەن ۇستازدار پروسەسستىڭ ءساتتى وتكەنىنە قۋانىشتى. ايتا كەتەرلىگى، اتالمىش جوبانى جاساۋ بارىسىندا مەملەكەت تاراپىنان ەشقانداي قولداۋ كورسەتىلمەگەن.