پەنتاگون باسشىسى كحدر-عا حالقىن قىرىپ تاستايمىن دەپ ەسكەرتۋ جاسادى. «كحدر يادرولىق باعدارلامانى جاۋىپ، ءوز حالقىنىڭ قىرىلۋىنا الىپ باراتىن قادامنان باس تارتۋى كەرەك»، - دەپ مالىمدەدى پەنتاگون باسشىسى دجەيمس مەتتيس، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.
مەتتيس سولتۇستىك كورەيا باسشىسى كيم چەن ىنعا بۇۇ قاۋىپسىزدىك قىزمەتى مەن مەملەكەتتىڭ «پحەنيان جاھاندىق قاۋىپسىزدىك پەن تۇراقتىلىققا ءقاۋىپ ءتوندىرىپ تۇر» دەگەن حابارلاماسىن نازارعا الۋ قاجەت ەكەندىگىن جەتكىزدى.
«كحدر ءوز-وزىن وقشاۋلاۋىن دوعارىپ، يادرولىق قارۋدان باس تارتۋى قاجەت. سولتۇستىك كورەيا ءوزىنىڭ رەجيمىنىڭ اياقتالۋى مەن حالقىنىڭ قىرىلۋىنا الىپ كەلەتىن كەز كەلگەن ءىس-قيمىلىن توقتاتۋ كەرەك»، –دەيدى پەنتاگون باسشىسى.
سونىمەن قاتار، سولتۇستىك كورەيا ءوزى باستاعان كەز كەلگەن قاقتىعىستا جەڭىلىسكە جەتەتىندىگىن سەنىممەن ايتىپ وتىر.
«قازىرگى تاڭدا اقش-تىڭ اسكەري كۇشتەرى وتە مىقتى، وقىتىلعان جانە دە سەنىمدى قاۋىپسىزدىك قىزمەتى بولىپ تابىلادى»، – دەيدى ول.
ەستەرىڭىزگە سالا كەتسەك، اقش پرەزيدەنتى دونالد ترامپ سولتۇستىك كورەياعا اقش-قا قانداي دا ءبىر ءقاۋىپ توندىرەر بولسا، قاتتى اشۋمەن جانە وتتى شابۋىلمەن جاۋاپ بەرەتىندىگىن ايتىپ ەسكەرتكەن بولاتىن. كەيىننەن رەنحاپ اگەنتتىگى سولتۇستىك كورەيا اسكەرلەرى تىنىق مۇحيتىنىڭ باتىسىندا ورنالاسقان گۋام ارالىنداعى اقش اسكەري بازاسىنا سوققى جاساۋعا دايىندىق جۇرگىزىپ جاتقاندىعىن حابارلاعان ەدى.
وتكەن سەنبىدە بۇۇ قاۋىپسىزدىك كەڭەسى كحدر-عا قارسى سانكسيالاردى قاتاڭداتۋ جونىندە شەشىم قابىلدادى. سانكسيا اۆتورى بولىپ تابىلاتىن اقش-تىڭ ەسەبىنشە، سانكسيانى پحەنيانعا كەلەتىن جىلدىق قارجى كولەمىن 3 ميلليارد دوللاردان 1 ميلليارد دوللارعا دەيىن قىسقارتادى. سونىمەن قاتار، ۆاشينگتون سولتۇستىك كورەيانىڭ رەجيمىن وزگەرتۋ قاۋلىسىنا وزگەرىس ەنگىزۋدەن باس تارتتى.
پىكىر قالدىرۋ