«الماتى» شەكارا باقىلاۋى بولىمشەسىنىڭ جاساعى «تەگەران - الماتى» باعىتىنداعى رەيستەن سيريا اراب رەسپۋبليكاسىنىڭ التى ازاماتىن ۇستادى دەپ حابارلايدى Qamshy.kz اقپارات اگەنتتىگى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساي وتىرىپ.
ولار تەكسەرۋگە بولگاريا رەسپۋبليكاسى ازاماتتارىنىڭ ءتولقۇجاتتارىن ۇسىنعان.
التى ازامات قازاقستان رەسپۋبليكاسىنىڭ اۋماعىن ەۋرووداق ەلدەرىنە شىعۋ ماقساتىندا ترانزيت رەتىندە پايدالانباقشى بولعان. ۇستالعاندار تۋرالى قۇقىق قورعاۋ ورگاندارى مەن ءوزارا ارەكەت ەتۋشى ورگاندار وكىلدەرىنە حابارلاندى.
ەسكە سالا كەتەيىك، كەشە «استانا» شەكارا باقىلاۋى بولىمشەسىنىڭ قىزمەتكەرلەرى استانا-لوندون رەيسىندە تەكسەرۋگە بولگاريا ازاماتىنىڭ قۇجاتىن تاپسىرعان سيريالىق ەكى ازاماتتى انىقتادى.
