«اقش-تىڭ باسشىلىعىمەن امەريكالىق ات-تانف بازاسىندا دايىندىق جاسايتىن سودىرلار «يسلام مەملەكەتتەرى» تەرروريستىك توبىنا دەلدال ارقىلى قارۋ-جاراق ساتادى»، – دەپ مالىمدەدى سيريالىق سەكتوردىڭ قاۋىپسىزدىك قىزمەتىنىڭ بۇرىنعى باسشىسى مۇحاممەد اسسالام. بۇل تۋرالى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ حابارلايدى.

«يم تەرروريستىك توبىنا قارۋ-جاراق استىرتىن ساتىلعان. بۇل اقپاراتتى بىلگەننەن سوڭ بىردەن امەريكالىقتارعا حابار بەردىك. الايدا ولار وزدەرى سايلاعان كومانديرلەرىن ودان سايىن قولداي ءتۇستى («ماگاۆير ەس-ساۋرا» توبىنىڭ قولباسشىسى مۋگاننات اتتاليا). ولار امەريكالىق قارۋ-جاراقتاردى ساتتى، ونىڭ ىشىندە اسكەري كولىكتەر، م-16 ۆينتوۆكالارى بولدى. امەريكالىقتاردىڭ سوڭعى ريەۆيزياسىنان كەيىن 4،7 مىڭ ۆينتوۆكالار جەتىسپەيتىندىگى بەلگىلى بولدى»، – دەيدى اسسالام.

اگەنتتىك دەلدالىنىڭ ايتۋىنشا، ات-تانف توبىنىڭ قۇرامىندا يم تەرروريستەرىمەن سوعىسقا شىعۋعا دايىن تۇرعان سيريالىق ازاماتتار بار. الايدا مۋگاننات اتتاليا سەكىلدى سيريا اسكەرىنە قارسى كۇش جۇمىلدىرىپ وتىرعاندار دا جەتەرلىك.

«امەريكالىق اسكەريلەر وزدەرىنىڭ كۇشتەرىن يم توبىنا قارسى جۇمىلدىرىلعاندىعىن ايتىپ، سيريالىقتاردى سار ارمياسىنا قارسى كۇرەسكە شاقىرعان بولاتىن. سول سەبەپتى دە، دەير-ەز-زور توبىنان شىققانداردىڭ كوبىسىن شاددادي بازاسىنا يم تەرروريستىك توبىنا قارسى سوعىسقا جىبەرگەن»، – دەپ قوسا ايتىپ ءوتتى اسسالام.