استانادا اشىق جاتتىعۋ وتكىزگەن قازاقستاندىق بوكسشى قانات يسلام جانكۇيەرلەرىنىڭ الدىندا نامىسىن قولدان بەرمەيتىنىنە سەنىمدى، دەپ جازادى Qamshy.kz اقپارات اگەنتتىگى.

«ءبىزدىڭ جاتتىعۋ لاگەرىمىز كەرەمەت بولدى. وز-وزىمە سەنىمدىمىن جانە جەڭىسكە جەتۋگە دايىنمىن. الدا بولاتىن جەكپە-جەكتى تاعاتسىزدانا كۇتىپ ءجۇرمىن. بۇل – مەنىڭ ءۇيىم جانە مەن جەڭەمىن»، – دەپ كەلتىردى سپورتشىنىڭ ءسوزىن WBN.

«قانات جاقسى جۇمىس جاسادى. ونىڭ جانكۇيەرلەرى دە كەرەمەت، سول سەبەپتى قانات جانكۇەرلەرى ءۇشىن جاتتىعىپ، سولار ءۇشىن جەڭىسكە جەتۋگە تىرىسادى. ءوز حالقىنا دەگەن ماحابباتى ونى جەڭىسكە جەتەلەيدى. جەڭىستى قولدان بەرمەۋگە تىرىسىپ باعامىز»، – دەدى نەلسون لوپەس.

ايتا كەتەيىك، 9 قىركۇيەكتە استانادا قانات يسلام مەن برەندون كۋكتىڭ جەكپە-جەگى وتەدى. بيلەت قۇنى 2000-نان 10 000 تەڭگەگە دەيىن ساتىلىمدا. سونىمەن قوسا، جانقوش تۇراروۆ، رۋسلان مىرساتايەۆ، جانىبەك ءالىمحان ۇلى، ءالي احمەدوۆ سىندى بوكسىشلار شارشى الاڭدا ءوز باقتارىن سىنايدى.