تۇركيا پرەزيدەنتى رەجەپ تايىپ ەردوعان بۇۇ باس حاتشىسى انتونيو گۋتەرريشپەن ميانماداعى گۋمانيتارلىق داعدارىس ماسەلەسىن تالقىلادى دەپ حابارلايدى Qamshy.kz اقپارات اگەنتتىگى kazislam.kz-كە سىلتەمە جاساي وتىرىپ.
تەلەفون ارقىلى تىلدەسۋ كەزىندە تۇركيا پرەزيدەنتى ميانمانىڭ اراكان شتاتىندا قالىپتاسقان جاعدايعا بۇۇ مەن حالىقارالىق قاۋىمداستىقتاردىڭ ۋاقتىلى ىقپال ەتىپ، ارالاسۋى اتالعان ايماقتاعى احۋالدىڭ رەتتەلۋى ءۇشىن اسا ماڭىزدى ەكەنىن اتاپ ءوتتى.
ەردوعان اراكان شتاتىنداعى ازشىلىق قاۋىمدى قۇرايتىن روحينيالىق مۇسىلماندارعا قارسى جاسالىپ وتىرعان زورلىق-زومبىلىقتاردى توقتاتۋ ءۇشىن ميانما بيلىگىنە ىقپال ەتۋدىڭ بارلىق مەحانيزمدەرىن قولدانۋعا شاقىردى. ول ءوز سوزىندە اراكان ايماعىنداعى احۋالدى رەتتەۋ ءۇشىن تۇركيا تاراپى قاجەتتى بارلىق گۋمانيتارلىق كومەكتى كورسەتۋگە، ازىق-تۇلىكپەن قامتاماسىز ەتۋگە دايىن ەكەنىن جەتكىزدى.
ەسكە سالا كەتسەك، بۇعان دەيىن مۇسىلمان-روحينيالىقتاردىڭ ەۋروپالىق كەڭەسىنىڭ (ERC) باسپا ءسوز حاتشىسى انيتا شۋگ ميانمادا سوڭعى ءۇش تاۋلىك ىشىندە اسكەريلەردىڭ شابۋىلى سالدارىنان 2-3 مىڭعا جۋىق مۇسىلمان كوز جۇمعانىن مالىمدەدى.
پىكىر قالدىرۋ