اۋىر حالدە جاتقان ناۋقاستاردى ەمدەيتىن دارىگەرلەر ءتۇرلى جاعدايلاردى باستارىنان وتكەرەدى. ادامدار كوز جۇمار الدىندا ءتۇرلى ىس-ارەكەتتەر جاساپ، كەيبىرەۋلەرى تۇسىنىكسىز بىرنارسەلەردى ساندىراقتاپ ايتادى ەكەن. ساراپشىلار وسى سەكىلدى الەمدە بولعان جانتۇرشىگەرلىك جاعدايلاردى جيناپ، وقىرمان نازارىنا ۇسىنادى.

ادام ءولىمى

بىردە دارىگەرلەر ءولىپ بارا جاتقان كۇيەۋىنە ايەلى كەلىپ قۇلاعىنا سىبىرلاعانىن كەزدەيسوق ەستىپ قالادى: «قورىقپا، سۇيىكتىم، بۇل تەك قانا ادام ءولىمى جانە دە ءبىر كەزدەرى سەن بۇدان وڭاي قۇتىلىپ كەتكەنسىڭ». ءالى كۇنگە دەيىن ايەلدىڭ نەنى مەڭزەگەنى بەلگىسىز.

كوزى جوق ادامدار

جۇرەگى توقتاپ قازا تاباتىن ادامداردىڭ كوپشىلىگى كوز جۇمار الدىندا ميدىڭ دۇرىس جۇمىس ىستەمەۋىنەن تۋىندايتىن گالليۋسيناسيالاردى كورەدى، ياعني ءتۇرلى ەلەستەردى كورەدى. ەگدە ەر ادامنىڭ كۇتۋشىسى بولىپ جۇمىس ىستەگەن مەدبيكە ەر ادام كوز جۇمار الدىندا قانداي جاعدايدا بولعاندىعىن ايتىپ بەردى. ول مەدبيكەگە جاقىنداپ كەلىپ، قۇلاعىنا تۇسىنىكسىز بىرنارسەلەردى سىبىرلاعان جانە دە «مەن قورقىپ تۇرمىن، ولاردىڭ كوزدەرى جوق قوي»، - دەپ ايتقان ەكەن.

توزاق وتى

دارىگەرلەر جەرگىلىكتى باندا مۇشەسى بولعان 20 جاستاعى جىگىتتىڭ ولىمىنە كۋا بولعان. ول اباقتىدا جاعدايى ناشارلاعاننان سوڭ، اۋرۋحاناعا جەتكىزىلگەن ەكەن. بالانىڭ ءولىم ۇستىنە جاتقانىن بىلگەننەن سوڭ، كۇزەتشىلەر ونىڭ پالاتاسىنا اناسىن كىرگىزگەن. اناسى قاتتى جىلاپ، ولەر شاعىندا بالاسىنان قۇدايدان كەشىرىم سۇراۋىن وتىنگەن. ال ءولىم اۋىزىندا جاتقان ۇلى بارلىعىنا ايقايلاپ، اناسىنا ءبىر ءتۇرلى قورقىنىشتى كوزقاراسپەن قاراپ: «ييسۋس، كەت بار» دەپ ايقاي سالعان ەكەن. كەيىننەن «جوق، ولاردى الىپ كەتىڭدەر مەنەن» دەپ توقتاۋسىز ايقايعا باسىپ، بىرنەشە ۋاقىتتان جۇرەگى توقتاپ قازا تاپقان.

مويىنداۋ

دارىگەرلەر ادامداردىڭ جان تاپسىرار الدىندا ايتقان ءتۇرلى سوزدەرىن ەستيدى. الايدا مىنا جاعداي وتە سيرەك ورىن الادى. ءبىر قارت كىسى كەزەكشىگە كەلىپ: «مەن ءمايىتتى كومىپ قويعان جەرىمدى ايتۋىم كەرەك» دەگەن. الايدا مۇنىڭ استارىن ەشكىم دە تۇسىنە المادى، سەبەبى بىرنەشە ۋاقىتتان سوڭ قاريا كوز جۇمعان.

سايكەستىك

ناۋقاستىڭ سوڭعى سوزدەرىن ەستىگەن ءبىر دارىگەر قاتتى تاڭىرقاعان، ويتكەنى ول دارىگەردىڭ بولاشاقتاعى ءسوز بايلاسۋى جايىندا ايتىپ بەرگەن. ولەر الدىندا ناۋقاس: «ول قىزدى ۇرلاپ كەتكەن سەن، سوندىقتان دا سەن توزاقتا جاناسىڭ»، - دەپ ايتقان ەكەن. مۇنى ەستىگەن دارىگەر قاتتى تاڭىرقاعانىن جاسىرمادى، ءبىراق ءبىر اپتادان كەيىن ول دوسىنىڭ سۇيىكتى قىزىن تارتىپ العان.

كوزگە ءىبىلىس كورىنۋ

بىردە ناۋقاس جان ءتاسىلىم ەتەر الدىندا ءوزىن قاراپ جۇرگەن مەدبيكەگە ءتۇنى بويى ىبىلىسپەن ءبىر پالاتادا بولعانىن ايتىپ بەرىپ، بۇكىل عيمارات جارىلادى دەپ ەسكەرتكەن. الايدا ولەر الدىندا ءىبىلىستىڭ كەتىپ قالعاندىعىن جانە دە ولارعا ەشنارسە دە بولمايتىندىعىن ايتىپ، كوز جۇمعان ەكەن.