قازاقستان قۇراماسى حالىقارالىق فۋتبول فەدەراسياسىنىڭ (فيفا) جاڭارتىلعان رەيتىنگىسى بويىنشا، 126-شى ورىننان 133ء-شى ورىنعا تومەندەدى،-دەپ Qamshy.kz اقپاراتتىق اگەنتتىگى فيفا-نىڭ رەسمي پاراقشاسىنا سۇيەنە وتىرىپ جازادى.

2018 جىلى وتەتىن الەم چەمپيوناتىنا ىرىكتەۋ ءۇشىن بولعان ويىنداردا الەكساندر بوروديۋك باستاعان قازاقستاندىق كوماندا رۋمىنياعا بارىپ، (1:3) ەسەبىمەن جەڭىلسە، ارمەنيا كومانداسىمەن تەڭدە-تەڭ (1:1) ەسەبىمەن ويىن كورسەتتى. قازاقستان قۇراماسىنىڭ قورجىنىندا ءقازىر 231 ۇپاي بار.

الدىڭعى التىلىقتا ايتارلىقتاي وزگەرىستەر بولعان جوق، كوش باسىندا گەرمانيا قۇراماسى تۇر. ەكىنشى ورىندا برازيليا، ءۇشىنشى ورىندا پورتۋگاليا بولسا، بۇل وندىقتى ارگەنتينا، بەلگيا، پولشا جانە ءبىر ساتى جوعارىلاپ، جەتىنشى ورىنعا كوتەرىلگەن فرانسيا (1226 ۇپاي) قۇراماسى مەن 11ء-شى ورىننان 8ء-شى ورىنعا جوعارىلاعان يسپاندىق فۋتبول قۇراماسى بار.

ەڭ ۇلكەن وزگەرىس ەكۆادور كومانداسىندا ورىن الدى سەبەبى، بۇل ەلدىڭ قۇراماسى 35ء-شى ورىننان 60-شى ورىنعا (608 ۇپاي) ءبىر-اق قۇلديلاعان. ال ەڭ مىقتى ناتيجە كورسەتىپ، رەيتىنگىسى جوعارىلاعان كوماندا تۇرىكمەنستان بولىپ وتىر، ولار 136-شى ورىننان 114ء-شى ورىنعا كوتەرىلگەن (279 ۇپاي).