قىرعىز ەكونوميستى يسكەندەر شارشەيەۆ  قازاقستان مەن قىرعىزستان اراسىنداعى كەلەڭسىزدىكتەر مەن كەشە عانا بولعان قىرعىزستانداعى پرەزيدەنت سايلاۋىنا قاتىستى ايتا وتىرىپ، وسىنداي پىكىر ءبىلدىردى، دەپ حابارلايدى Qamshy.kz اقپارات اگەنتتىگى Yenicag.ru سايتىنا سىلتەمە جاساپ.

«قىرعىزستانداعى پرەزيدەنت سايلاۋى ويداعىداي وتە جوعارى دەڭگەيدە بولىپ ءوتتى. تاۋەلسىز باقىلاۋشىلار كەيبىر سايلاۋ بولىمشەلەرىنەن تەك 1% عانا زاڭ بۇزۋشىلىق ارەكەتتەردى بايقاعان. سايلاۋدىڭ تازا وتكەندىگىنە ەش كۇمان جوق. سايلاۋ ەلىمىزدىڭ كونستيتۋسياسىنا سايكەس بيلىكتى بەيبىت، اشىق جانە ءادىل تۇردە بەرگەندىگىنە ۇمىتتەندىرەدى. كەلەسى ماڭىزدى ماسەلە – تۇراقتى جانە وڭ ەكونوميكالىق ءوسىمدى قۇرۋ»، - دەيدى ساراپشى.

سونىمەن قاتار، شارشەيەۆ قىرعىز رەسپۋبليكاسىنىڭ پرەزيدەنتى – زاڭنىڭ ءادىل قولدانىلۋىنا، الەۋمەتتىك دامۋ ماسەلەسىنە جانە ىشكى ساياساتقا جاۋاپ بەرەتىن ديپلوماتيالىق تۇلعا ەكەندىگىن اتاپ ءوتتى.

«ەلىمىزدىڭ ەكونوميكا ماسەلەسىنە پرەمەر-مينيستر جاۋاپ بەرەدى. قازىرگى ۇكىمەتتىڭ باعدارلاماسى ەلىمىزدىڭ ەكونوميكاسىنا ەداۋىر اسەرىن تيگىزەتىن كەزەڭدىك رەفورمالارعا باعىتتالعان. مىسالى، «اشىق اسپان» باعدارلاماسى، ەلەكتروندى ۇكىمەت جوباسى – تازا قوعام. ەگەر بۇل باعدارلامالاردىڭ بارلىعى جۇزەگە اسىرىلاتىن بولسا، ءبىزدىڭ ەلىمىزدە ەكونوميكالىق ءوسۋ قارقىندى تۇردە بولادى دەپ سەنىممەن ايتا الامىن»، - دەيدى ول.

جاڭا پرەزيدەنت قازاقستانمەن قارىم-قاتىناستى دامىتۋ ماسەلەسىنە قاتىستى «ەگەر قازاقستان شەكارانى قورشاۋدى توقتاتپاسا، قىرعىزستان ەاەو قۇرامىنان شىعادى»، - دەپ مالىمدەدى.

ساراپشىنىڭ پىكىرىنشە، ەكى ەل بىر-بىرىنەن رەسمي تۇردە كەشىرىم سۇراپ، ەكى ەل اراسىنداعى قارىم-قاتىناس جاقسارادى دەگەن ءۇمىت بار.