الماتى قالاسىندا «التىن جۇرەك» رەسپۋبليكالىق سىيلىعىنىڭ يەگەرلەرى بەلگىلى بولدى، دەپ حابارلايدى Qamshy.kz اقپارات اگەنتتىگى.
ەلىمىزدە قايىرىمدى ادامداردىڭ سانى جىلدان-جىلعا راتىپ كەلەدى. بۇل تۋرالى ەلىمىزدەگى قايىرىمدىلىق سالاسىندا جۇمىس ىستەيتىن «التىن جۇرەك» سىيلىعىنىڭ ۇيىمداستىرۋشىلارى ءمالىم ەتتى.
«التىن جۇرەك» ۇلتتىق قوعامدىق سىيلىعى 11 جىل قاتارىنان «مەيىرىمدىلىك» اتتى اسىل قاسيەتتى جوبانى كۇندەلىكتى ءومىرىنىڭ ءبىر بولىگىنە اينالدىرعان ازاماتتاردى، مەكەمەلەردى، ۇيىمداردى ماراپاتتايدى.
جوبا ۇيىمداستىرۋشىلارىنىڭ ايتۋىنشا، «رۋحاني جاڭعىرۋ» باعدارلاماسى اياسىندا «التىن جۇرەك» سىيلىعىنا قازاقستان بويىنشا بيىل 455 ءوتىنىش كەلىپ تۇسكەن.
ءداستۇر بويىنشا، جىل سايىن «التىن جۇرەك» سىيلىعى قايىرىمدى جانداردى 11 نوميناسيا بويىنشا ماراپاتتايدى. ولاردىڭ يگى ىستەرى بۇل قوعامدا مەيىرىمدىلىك پەن ادامگەرشىلىكتىڭ ءرولىن زور ەكەنىن بىلدىرەدى.
«بيىلعى جىلى نومينانتتار اراسىندا ەرەكشە قايىرىمدىلىق قاسيەتكە يە، لايىقتى ازاماتتار بارشىلىق. اتاپ ايتساق: ورال قالاسىنىڭ تۇرعىنى ءبىرجان قوجاقوۆ سال اۋرۋىمەن اۋىراتىن ناۋقاستاردى كەرەكتى قۇرال-جابدىقتارمەن قامتاماسىز ەتتى. سونداي-اق، ۇزدىكتەر قاتارىندا «28 پەتەل» كلۋبى، 25 بالانىڭ اناسى اتانعان ەكىباستۇز قالاسىنىڭ تۇرعىنى ەكاتەرينو ياسەنكو، ساياساتتانۋشى دوسىم ساتپايەۆ، كاسىپكەر-مەسەناتتار باۋىرجان وسپانوۆ، نۇرلان سماعۇلوۆ جانە امەريكاندىق ۆيكتوريا شاربونۋ مەن ەليزابەت تۋرنوك بار»، - دەيدى ۇيىمداستىرۋشىلار.
«باۋىرجان» قورىنىڭ ۇيلەستىرۋشىسى گۇلزات ساحوۆا ەلىمىزدە قايىرىمدى جانداردىڭ كوبەيىپ كەلە جاتقاندىعىن ايتادى.
«التىن جۇرەك» رەسپۋبليكالىق سىيلىعىنىڭ ورتالىق ازيادا دا بەدەلى، مارتەبەسى وتە جوعارى دەپ ايتۋعا بولادى. بيىل بۇل سىيلىقتى تابىستاۋ شاراسى 11ء-شى رەت وتكىزىلىپ وتىر. «التىن جۇرەكتىڭ» 11 جىلدىق تاريحىندا قايىرىمدىلىق جاساۋشىلاردىڭ سانى 5 ەسەگە ءوستى. 2016-2017 جىلدادىڭ ىشىندە تەك تۇسكەن ونىمدەرگە سايكەس 29،4 ملرد تەڭگەدەن اساتىن قايىرىمدىلىق شاراسى جۇرگىزىدى»، - دەيدى گۇلزات ساحوۆا.
الماتى قالاسىندا وتكەن «التىن جۇرەك» سالتاناتتى ماراپاتتاۋ شاراسىنا قالا اكىمى باۋىرجان بايبەك قاتىسىپ، نومينانتتاردى قۇتتىقتاپ، ءسوز سويلەدى جانە قايىرىمدى جاندارعا ءوز العىسىن ءبىلدىردى.
اتالمىش سىيلىقتىڭ نەگىزىن قالاۋشى جۇلدىز وماربەكوۆا: «التىن جۇرەك» سىيلىعى قايىرىمدى ادامدارعا بەرىلەتىن سىيلىق. قايىرىمدى ىستەردى ناسيحاتتاۋ اسا ماڭىزدى دەپ ويلايمىن» دەيدى.
بيىلعى جىلى «التىن جۇرەك» سىيلىعىنا بارلىعى 150 ءوتىنىم بەرىلگەن. بۇل - رەكوردتىق كورسەتكىش. سولاردىڭ ىشىندە 80 ءوتىنىم جەكە تۇلعالاردان كەلىپ تۇسكەن. ساراپتامالىق كەڭەس وتىرىسىندا وتىنىمدەردىڭ ىشىنەن ازىرگە ءار اتالىمعا ءۇش ۇمىتكەردەن تاڭداپ الىندى.
قوعامدىق كەڭەس مۇشەلەرى جاسىرىن داۋىس بەرۋ ارقىلى سولاردىڭ ىشىنەن جەڭىمپازداردى انىقتايدى. قوعامدىق كەڭەستىڭ قۇرامىنا قوعام جانە مادەنيەت قايراتكەرلەرى، اقىن-جازۋشىلار، كينەماتوگرافيستەر، ب ا ق وكىلدەرى ەنگەن. ولاردىڭ ىشىندە تانىمال جازۋشى-دراماتۋرگ احمەتجان ءاشىروۆ، Vلاست ينتەرنەت-جۋرنالىنىڭ باس رەداكتورى ۆياچەسلاۆ ابراموۆ، كينورەجيسسەر سەرگەي ازيموۆ، تەلەجۇرگىزۋشى قىمبات حانگەلدينا بار.
«التىن جۇرەك» سىيلىعىنا قازىلىق ەتۋ وتە قيىن. ۇسىنىلعان تۇلعالاردىڭ بارلىعى دا قۇرمەتكە لايىق، جۇرەگى التىن ادامدار عوي. بارلىعىن دا ماراپاتتاعىڭ كەلەدى. ءبىراق، وكىنىشكە قاراي، ءاربىر اتالىمدا ءبىر عانا جەڭىمپاز بولۋى شارت. مەن ءوز باسىم قايىرىمدىلىقپەن اينالىساتىن ادامداردىڭ الدىندا باسىمدى يەمىن. ولار قوعام تاراپىنان ۇلكەن قۇرمەتكە لايىق ازاماتتار. وسى سىيلىقتى ۇيىمداستىرۋشىلار تاراپىنان قىرۋار جۇمىستار اتقارىلىپ جاتىر. سوندىقتان، قوعام تاراپىنان بۇل شاراعا ۇلكەن قولداۋ قاجەت»، - دەدى قىمبات حانگەلدينا. «التىن جۇرەك» بويىنشا 11 اتالىم بەلگىلەنگەن.
«التىن جۇرەك» سىيلىعىنىڭ بيىلعى جەڭىمپازدارى:
- «جەتىم بالالارعا كورسەتكەن قامقورلىعى ءۇشىن» - ەكاتەرينا ياسەنكو (پاۆلودار وبلىسى)؛
- «ءبىلىمدى دامىتۋعا قوسقان ۇلەسى ءۇشىن» - مۇرات ءادىلحانوۆ (الماتى)؛
- «مۇگەدەك جاندارعا كورسەتكەن قامقورلىعى ءۇشىن» - ءبىرجان قۇجاقوۆ (بقو، ورال)؛
- «سپورتتى دامىتىپ، ونى قولداعانى ءۇشىن» - «الماتى مارافونى» سپورتتىق قايىرىمدىلىق شاراسى (الماتى)؛
- «ارداگەرلەرگە كورسەتكەن قۇرمەتى ءۇشىن» - راسيما تەمەربايەۆا (الماتى)؛
- «جىل مەسەناتى» - سەرگەي سپيسىن (الماتى)؛
- «اقپاراتتىق قولداۋشى» -مايرا ابدراحمانوۆا (الماتى)؛
- «جىلدىڭ قايىرىمدى ادامى» - تەمىرلان شاينۋسيپوۆ (الماتى وبلىسى، اق تەرەك اۋلى)؛
- «دەنساۋلىق ساقتاۋ سالاسىنا قولداۋ كورسەتكەنى ءۇشىن» - «28 پەتەل» كلۋبى (استانا)؛
- «قازاقستاننىڭ وركەندەۋىنە قوسقان ۇلەسى ءۇشىن» - ۆيكتوريا شاربونۋ جانە ەليزابەت تۋرنوك (اقش)
سالتاناتتى راسىمدە قوناقتار مەن بيىلعى جىلعى لاۋرەاتتاردى تانىمال ونەر جۇلدىزدارى، اتاپ ايتار بولساق، "ۇلىتاۋ" توبى، "مەلومەن" توبى، جاميليا سەركەبايەۆا، "الاش ۇلى" توبى، ت.ب. قۇتتىقتاپ، ونەر كورسەتتى.
