اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى 12 جاستاعى قىز بالاعا زورلىق ارەكەت كورسەتكەن پەدوفيلگە قاتىستى ءىس قوزعادى. بۇل تۋرالى اقتوبە وبلىستىق سوتىنىڭ باسپا ءسوز قىزمەتى مالىمدەدى، دەپ حابارلايدى Qamshy.kz اقپارات اگەنتتىگى.

«سوتتا مالىمدەلگەندەي، اقتوبەلىك 40 جاستاعى ت. ەسىمدى ازامات ءوز باۋىرىنىڭ 12 جاستاعى وگەي قىزىنىڭ دارمەنسىزدىگىن پايدالانىپ، 2016-2017 جىلدار ارالىعىندا تۇراقتى تۇردە زورلىق ارەكەت كورسەتىپ كەلگەن»،- دەلىنگەن ۆەدومستۆودا.

پەدوفيلدىڭ قىلمىسى قىزدىڭ اناسى كۇيەۋىمەن ايىرىلىسقان سوڭ عانا اشىلعان. الدىن الا تەرگەۋ بارىسىندا قىز 6 جاسىنان باستاپ زورلىق ارەكەتتىڭ قۇربانى بولعانى انىقتالدى.

قۇقىققورعاۋ ورگاندارىنىڭ ارالاسۋىمەن پەدوفيل قامالدى.

سوت ت. ەسىمدى ازاماتتى جاس بالامەن جىنىستىق قاتىناسقا تۇسكەنى ءۇشىن، ونىڭ دارمەنسىزدىگىن پايدالانىپ جابىرلەگەنى ءۇشىن كىنالى دەپ تاپتى. ق ر قك 120-باپ، 4ء-بولىم جانە 124-باپ، 3-بولىمدەرىنە سايكەس، ايىپتالۋشى 17 جىلعا باس بوستاندىعىنان ايىرىلىپ، جازاسىن اتقارۋشى جۇيەدەگى ەڭ جوعارعى قاۋىپسىزدىك مەكەمەلەرىندە وتەيدى.  

سونىمەن قاتار، كامەلەت جاسقا تولماعان بالالارعا قاتىسى بار جۇمىس ىستەۋگە تىيىم سالىندى.