كەزدەسۋ بارىسىندا قازاقستانداعى ەۆرەي قاۋىمىنىڭ قىزمەتى، قازىرگى زامانعى سىن-قاتەرلەرگە قارسى تۇرۋ ءۇشىن كۇش بىرىكتىرۋ جانە ءدىنارالىق كەلىسىمنىڭ قازاقستاندىق مودەلى جونىندەگى ماسەلەلەر تالقىلاندى.

مەملەكەتتىك حاتشى اقش قازاقستاننىڭ ماڭىزدى ستراتەگيالىق سەرىكتەسىنىڭ ءبىرى ەكەندىگىن اتاپ ءوتتى.

گ.ءابدىقالىقوۆا قازاقستان پرەزيدەنتىنىڭ بىرىككەن ۇلتتار ۇيىمى اياسىندا جاھاندىق انتيتەرروريستىك جەلى قۇرۋ جونىندەگى باستاماسى وزەكتى ەكەنىن ايتتى. ەلىمىزدىڭ 2017-2018 جىلدارى بۇۇ قاۋىپسىزدىك كەڭەسىنە تۇراقتى ەمەس مۇشە بولىپ سايلانۋى – ەكىجاقتى ءوزارا ءىس-قيمىلىمىزدىڭ كەمەلىنە كەلۋىنىڭ تاعى ءبىر ايعاعى.

قازاقستان 2050 جىلعا قاراي الەمدەگى وزىق دامىعان 30 مەملەكەتتىڭ قاتارىنا قوسىلۋ ماقساتىن العا قويىپ وتىر. 2017 جىلى مەملەكەت باسشىسىنىڭ باستاماسىمەن ەكونوميكالىق ءوسىمنىڭ جاڭا مودەلىن قالىپتاستىرۋعا باعىتتالعان ءۇشىنشى جاڭعىرۋ باستالدى. العاشقى ناتيجەلەر ەكونوميكانىڭ نىق قالپىنا كەلۋ ءۇردىسىن كورسەتۋدە: بيىل ەلىمىزدىڭ ىشكى جالپى ءونىمى 3،5 پايىزعا ءوستى.

مەملەكەتتىك حاتشى رۋحاني جاڭعىرۋدىڭ باستى تالابى ءتول مادەنيەتىمىز بەن ۇلتتىق كودتى ساقتاۋ ەكەندىگىن ايتتى.

گ.ءابدىقالىقوۆانىڭ مالىمدەۋىنشە، رەسپۋبليكادا 100-دەن استام ەتنوس وكىلدەرى تۇرادى. قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلى ەتنوستاردىڭ قوعامدىق بىرلەستىكتەرگە بىرىگۋىنىڭ جانە مەملەكەتپەن ءوزارا ارەكەتتەسۋىنىڭ نەگىزىندە قالىپتاستىرىلدى. ەلىمىزدە 1338 ەتنومادەني بىرلەستىك، سونىڭ ىشىندە 29 رەسپۋبليكالىق دارەجەدەگى بىرلەستىك جانە 39 دوستىق ءۇيى بار.

كەلىسسوز بارىسىندا قازاقستان باتىس پەن شىعىستىڭ ورتاق سىن-قاتەرلەرگە توتەپ بەرۋىنە قاتىستى ۇستانىمدارىن جاقىنداستىرا ءتۇسۋ ءۇشىن تالپىنىس جاساپ وتىرعانى ايتىلدى. الەمدىك جانە ءداستۇرلى دىندەر كوشباسشىلارىنىڭ سەزى ارقىلى قازاقستان الەمدىك جەتەكشى كونفەسسيالاردىڭ جاھاندىق بەيبىتشىلىك پەن كەلىسىمدى ورنىقتىرۋ جولىنداعى ۇمتىلىستارىنىڭ الاڭىنا اينالدى.

سوڭىندا گۇلشارا ءابدىقالىقوۆا دانيەل ءرۋبيننىڭ قازاقستانداعى ساپارىنىڭ جاقسى وتۋىنە نيەتتەستىك ءبىلدىرىپ، تابىس تىلەدى.