اقش پرەزيدەنتى دونالد ترامپ كحدر-مەن اراداعى ماسەلەلەردى شەشۋگە بولاتىنىنا سەنىمدى، ال ولاي بولماعان جاعدايدا ناتيجەسى ءبارىمىز ءۇشىن «جاعىمسىز» بولماق ەكەنىن ەسكەرتتى، دەپ جازادى Qamshy.kz اقپارات اگەنتتىگى.

«مەنىڭ ويىمشا، ءبىز كحدر-مەن اراداعى جاعدايدى رەتكە كەلتىرە الامىز. ال رەتكە كەلمەگەن جاعدايدا، ولار ءۇشىن دە، ءبىز ءۇشىن دە قايعىلى جاعداي ورناۋى مۇمكىن»، - دەدى پرەزيدەنت Fox News ارناسىنا بەرگەن سۇحباتىندا.

ترامپتىڭ سوزدەرىنە قاراعاندا، جۇڭگو اقش-قا وسى ماسەلە تۇرعىسىنان كومەك كورسەتەدى. ال تەلەجۇرگىزۋشىنىڭ «جاپونيا بۇل جاعدايعا قالاي قارايدى؟» دەگەن سۇراعىنا ترامپ ولاردىڭ قاتتى الاڭداۋلى ەكەنىن جەتكىزدى. سەبەبى جاپونيا سولتۇستىك كورەياعا جاقىن ورنالاسقان مەملەكەت.

ايتا كەتەيىك، جاز ايىندا كحدر اقش-قا قاراي بالليستيكالىق زىمىران ۇشىرعان كۇننەن بەرى ەكى ەلدىڭ اراسى شيەلەنىسىپ كەتكەن. وسى جاعدايعا بايلانىستى بۇگىندە ءۇشىنشى دۇنيەجۇزىلىك سوعىستىڭ باستالۋ ءقاۋپى ءورشىپ تۇر.