قوستانايداعى كسك شاعىن اۋدانىندا ءورت بولىپ، 64 ادام ءقاۋىپسىز جەرگە كوشىرىلدى، — دەپ حابارلايدى Qamshy.kz اقپارات اگەنتتىگى وبلىستىق تجد باسپا ءسوز قىزمەتىنە سىلتەمە جاساپ. وقىس وقيعا 5 قاراشا كۇنى قوبىلاندى باتىر كوشەسىندەگى 24ء-شى ۇيدە بولدى. 

«ءورت سوندىرۋگە 24 ادام جانە 9 ارنايى تەحنيكا جۇمىلدىرىلدى. سولتۇستىك وڭىرلىك اەرو-ۇتقىر جاساعىنان 4 ادام شاقىرتىلدى. گاز-تۇتىننەن قورعاۋ قىزمەتىنىڭ بۋىنى ءورت وشاعىندا قالعان ادامداردى ىزدەدى. تۇرعىندار جوعارعى قاباتتان اۆتوساتىلار ارقىلى تومەن ءتۇسىرىلدى. ءورت 02:37-دە اۋىزدىقتالدى»، — دەپ جازعان تجد باسپا ءسوز قىزمەتىنىڭ رەسمي مالىمدەمەسىندە. ءورت اۋماعىنان 1960 جىلى تۋعان ايەلدىڭ ءمايىتى تابىلدى.  بارلىعى 64 ادام قىزىل جالىننان وقشاۋلاندى. ونىڭ ىشىندە التاۋى  - بالالار. ءورت تولىقتاي 3:04 ساعاتتا ءوشىرىلدى.