بۇگىن ورتالىق كوممۋنيكاسيالار قىزمەتى الاڭىندا «ازىق-تۇلىك كەلىسىم شارت كورپوراسياسى» ۇلتتىق كومپانياسى» اكسيونەرلىك قوعامىنىڭ جانە قازاقستاننىڭ فەرمەرلەر وداعى وكىلدەرىمەن استىق نارىعىنىڭ ماسەلەلەرى بويىنشا بريفينگ ءوتتى دەپ حابارلايدى Qamshy.kz اقپارات اگەنتتىگى. 

نەگىزگى فاكتورلاردىڭ بولماۋىنا قاراماستان (استىق ۇلەسىنىڭ مول بولماۋى، ەكسپورتتىڭ تومەندەمەۋى)، اعىمداعى جىلدىڭ قىركۇيەك ايىنان باستاپ استىقتىڭ ىشكى نارىعىندا الەمدىك جانە ىشكى باعانىڭ تەپە-تەڭسىزدىگى، ىشكى نارىقتاعى باعانىڭ تومەندەۋى مەن سۇرانىستىڭ ازايۋى بايقالادى.

وسى ماسەلەلەردى تالداۋ بارىسىندا بىرنەشە سەبەپتەر انىقتالدى:

بىرىنشىدەن، رەسەي ەلىندەگى استىقتىڭ رەكوردتى كورسەتكىشتە جينالۋى قازاقستاننىڭ شەكارالاس ايماقتارىنا ارزان باعامەن زاڭسىز تۇردە استىق اكەلىندى؛

ەكىنشىدەن، ەلىمىزدە استىق تاسىمالداۋشى ۆاگونداردىڭ جەتىسپەۋشىلىگى (40-50% تاسىمالداۋ بويىنشا وتىنىشتەر اشىق تۇردە قالىپ قويادى) جانە جەكە ترەيدەرلەر جاعىنان ساتىپ الۋدىڭ قىسقارۋى، بۇل حالىقارالىق ترەيدەرلەرگە دە قاتىستى. ۆاگونداردىڭ جەتىسپەۋشىلىگى كەلىسىم-شارتتى تولىقتاي ورىنداۋعا مۇمكىندىك بەرمەدى.

ۇشىنشىدەن، ساتىپ الۋ ساياساتى ناقتىلانباعان استىق نارىعىنداعى بىردەن – ءبىر ماركەتمەيكەر ازىق تۇلىك كەلىسىم-شارت كورپوراسياسى بولدى. بۇل كومپانيا ساتىپ الۋ باعاسىن 42 مىڭ تەڭگە دەپ جاريالاپ، باعانى 39 مىڭ تەڭگەگە دەيىن تومەندەتتى.

وسىنىڭ ءبارى استىقتىڭ ىشكى نارىعىندا سۇرانىستىڭ تومەندەۋى مەن باعانىڭ تۇسۋىنە اسەر ەتتى.

قازىرگى ۋاقىتتا بەكىتىلگەن باعا اۋىلشارۋاشىلىعى تاۋار وندىرۋشىلەرىنىڭ شىعىندارىن وتەي المايدى جانە كوكتەمگى ەگىستىك جۇمىستارىن ساپالى ورىنداۋعا تولىقتاي مۇمكىندىك بەرمەيدى.

وسىعان وراي، اۋىلشارۋاشىلىعى تاۋار وندىرۋشىلەرىنىڭ قارجىلىق جاعدايىن قالپىنا كەلتىرۋ ماقساتىندا ازىق تۇلىك كەلىسىم-شارت كورپوراسياسى ارقىلى 3 كلاسستى بيدايدى 2 ملن. توننا كولەمىندە تونناسىن 42 000 تەڭگەگە (ققس قوسقاندا) ساتىپ الۋ تۋرالى شەشىم قابىلداندى.

رەسەيدەن اكەلىنەتىن استىقتى قاتاڭ قاداعالاپ جانە ونىڭ ققس زاڭداستىرۋ جوسپارلانۋدا.

ۆاگوندارعا استىقتاردى تيەۋدىڭ اشىقتىعىن قامتاماسىز ەتىپ، استىق قولحاتى اقپاراتتىق جۇيەسى مەن قتج اق  اقپاراتتىق جۇيەسىن بىرىكتىرە وتىرىپ، ەكسپورتتىق قۇجاتتاردى دايىنداۋ بارىسىندا كەدەرگىلەردى بولدىرماۋ كەرەك.

اتالعان شارالار سۇرانىسقا يە استىق قورىن قۇرۋعا مۇمكىندىك بەرەدى، الايدا تالداۋ ناتيجەسى بويىنشا قۇرعاقشىلىقتىڭ جوعارى ءقاۋپى بايقالادى.

كازگيدرومەتتىڭ مالىمەتى بويىنشا، قۇرعاقشىلىقتىڭ قايتالانۋ مەرزىمى 10 جىلدا 3 مارتە بولادى ەكەن. سوڭعى 2-3 جىلمەن سالىستىرعاندا ىلعالدىلىق مولشەرى تومەن. وسى جىلى اياز قار تۇسكەنگە دەيىن باستالدى جانە وسى ماۋسىمدا قىستىق ءونىمدى ىلعالدىڭ تومەن بولۋ ىقتيمالدىلىعى جوعارى. استىقتى تۇتىنۋ قورىن پايدالانۋ قاجەتتىلىگى ارتۋدا.