ءبىرىنشى توقساننىڭ وزىندە تەگىن دارىلىك قامتاماسىز ەتۋ ءۇشىن جالپى پرەپاراتتاردىڭ 874 اتاۋى ساتىپ الىندى، دەپ حابارلايدى Qamshy.kz اقپارات اگەنتتىگى ق ر دەنساۋلىق ساقتاۋ مينيسترلىگىنە سىلتەمە جاساپ.

ءبىر دەرەككوزدەن 90 كۇندىك قاجەتتىلىكتى قامتاماسىز ەتۋ ءۇشىن  13،3 ملرد. تەڭگە بولاتىن 328 دارى-دارمەكتەر مەن مەديسينالىق ماقساتتاعى بۇيىمدار ساتىپ الىندى. ولار 2018 جىلدىڭ ءبىرىنشى توقسانىندا ەلدىڭ مەديسينالىق مەكەمەلەرىنە جەتكىزىلەدى.

قۇجاتتاردىڭ تولىق پاكەتىن ۇسىنىپ، پرەپاراتتارعا ەڭ تومەنگى باعا ۇسىناتىن 24 كومپانيا 2018 جىلدىڭ قاڭتار ايىنىڭ باسىندا ءبىرىڭعاي ديستريبيۋتوردىڭ قويمالارىنا دارىلىك زاتتاردى جەتكىزۋدى باستايدى. باعانى تومەندەتۋ جونىندەگى كەلىسسوزدەردىڭ قورىتىندىسى بويىنشا ءبىرىڭعاي ديستريبيۋتور 1،7 ملرد. تەڭگەگە جەڭىلدىككە قول جەتكىزدى. اۋرۋحانالار بۇل اقشانى قوسىمشا دارىلەرگە جۇمساي الادى.

ايتا كەتۋ كەرەك، قازىرگى كەزدە دارى-دارمەكتەر وتاندىق وندىرۋشىلەرمەن، تىكەلەي كەلىسىمشارتتار بويىنشا شەتەلدىك وندىرۋشىلەردەن جانە جەتىمدىك پرەپاراتتارىن ساتىپ الۋ بويىنشا تەندەر ارقىلى ساتىپ الىنعان دارى-دارمەكتەرمەن كەلىسىم-شارتتار شەڭبەرىندە سك-فارماسيا قويمالارىنا جەتكىزىلە باستادى.

دارى-دارمەكتەردىڭ تاعى 15 اتاۋى حالىقارالىق ۇيىمدارمەن - يۋنيسەف پەن بۇۇدب كەلىسىم-شارتتارى بويىنشا جەتكىزىلەدى. وسىلايشا، بۇگىنگى كۇنى دارى-دارمەكتىڭ 881 اتاۋى ساتىلىپ الىندى.

قازاقستاندىقتاردى دارى-دارمەكپەن قامتاماسىز ەتۋدە كىدىرىس بولماۋى ءۇشىن، ۇكىمەت ءبىرىڭعاي ديستريبيۋتوردىڭ ساتىپ الۋ راسىمدەرىن رەتتەيتىن قاعيدالارىنا وزگەرتۋ ەنگىزۋ تۋرالى شەشىم قابىلدادى، وعان دارىلىك زاتتاردىڭ ءۇش ايلىق قاجەتتىلىگىن ءبىر كوزدەن ساتىپ الۋ مۇمكىندىك بەرە وتىرىپ – مۇنداي راسىمدەر قازاقستاندىق ناۋقاستار ءۇشىن تەگىن دارىلەر قول جەتىمدى بولۋىنا قىسقا مەرزىمدە ساتىپ الۋدى جۇزەگە اسىرۋعا مۇمكىندىك بەرەدى. ۇكىمەت قاۋلىسى بۇگىنگى كۇنى كۇشىنە ەندى جانە ءبىرىڭعاي ديستريبيۋتور ساتىپ الۋ راسىمدەرىنىڭ باستالۋىن دەرەۋ جاريالادى.