ق ر اۋىل شارۋاشىلىعى ءمينيسترى نۇرجان التايەۆ قىسقى ۋاقىتتا كوكونىستەردىڭ قىمباتتاۋ سەبەبىن ءتۇسىندىردى، دەپ حابارلايدى Qamshy.kz اقپارات اگەنتتىگى. بۇل تۋرالى التايەۆتىڭ ءوزىنىڭ فەيسبۋكتەگى پاراقشاسىندا مالىمدەدى.

«بىرىنشىدەن، اۋىل شاۋاشىلىعى مينيسترلىگىنىڭ باستى مىندەتى ساۋدا سالاسىنداعى باعانى رەتتەۋ ەمەس، اۋىل شارۋاشىلىعىن دامىتۋ.

ەكزوتيكالىق ەلدەرمەن سالىستىرعاندا ءبىز ەگىن وسىرۋگە كوبىرەك شىعىندالامىز. ونداي ەلدەردە قىس مەزگىلى بولمايدى، بۇل دا قۇنعا اسەر ەتەدى. ونىڭ ۇستىنە، بىزدە كوكونىستەردى ماۋسىمارالىق جىلىجايلاردا وسىرەدى، بۇل دا شىعىن. قىسقى ۋاقىتتا كوكونىستەردىڭ قىمباتتاۋى، وكىنىشكە وراي، داستۇرگە اينالىپ كەتتى»، - دەدى ۆيسە-مينيستر.

نۇرجان التايەۆتىڭ ايتۋىنشا، ەلدەگى كوكونىس باعالارىنىڭ قىمباتتاۋىنا رەسەيدەگى جوعارى باعا دا ىقپال ەتەدى.

«مينيسترلىك قىسقى ۋاقىتتا كوكونىسپەن قامتاماسىز ەتۋ شارالارىنا ايتارلىقتاي كوڭىل بولەدى.   تاعى دا قايتالاپ ايتامىن، ءبىز باعانى باقىلامايمىز. ءبىز تەك ونىمگە اسەر ەتە الامىز»، - دەدى التايەۆ.

سونىمەن قاتار حالىقتى كوكونىسپەن قامتاماسىز ەتۋ بويىنشا مينيسترلىكتىڭ اتقارىپ جاتقان شارالارىن اتاپ ءوتتى. ەڭ الدىمەن بۇل جاڭا جىلىجاي شارۋاشىلىقتارىن قۇرۋعا قولداۋ كورسەتۋ جانە ت.ب.