جۇزدەن استام وتباسى قۇرت-قۇمىرسقامەن تۇرۋعا ءماجبۇر. 50 جىل بۇرىن سالىنعان كوپقاباتتى ءۇيدىڭ ابدەن توزىعى جەتكەن. ءتىپتى، جەرتولەدەن باستاپ، جوعارعى قاباتتارعا دەيىن ىلعال تارتىپ كەتكەن. قابىرعالارى شىلقىعان سۋ. الايدا، اكىم-قارالار ەش كومەك بەرە المايمىز دەپ وتىر. بۇل تۋرالى Qamshy.kz اقپارات اگەنتتىگى حابارلايدى. 

 «مىنا جەردىڭ بارلىعى تاراكان. تاراكاننان كوز اشپايمىز. مىنە، مىنە تاراكان! مىنا جاقتىڭ بارلىعى تاراكان، مىنا جەردىڭ بارلىعى تولىپ تۇرادى. تاراكان جەتەدى. ۇيدە بالالار بار، مىندا ۆووبششە بالالاپ جاتىر» - دەيدى ءۇيدىڭ تۇرعىنى جانار جاقىپوۆا.

جانار جاقىپوۆا وتباسىمەن بىرگە مۇندا 8 جىل بۇرىن كوشىپ كەلگەن. ءبىراق، بار جيعان-تەرگەنىن باسپاناعا سالعان جانۇيانىڭ قۋانىشى ۇزاققا سوزىلمادى. ويتكەنى، ءدال وسى پاتەردە باۋىر ەتى بالاسىنان ايىرىلعان. قابىرعاسى كوگەرىپ، ابدەن ىلعالدانعان ۇيدە ەكى جاسار ءسابيىنىڭ وكپەسىنە سالقىن ءتيىپ، شەتىنەن كەتىپتى... 

«2017 جىلى وسى برونحودان سالقىن ءتيىپ، اۋىرىپ، شەتىنەپ كەتتى. ەكسترەننو بولنيساعا ءتۇسىپ، ەرتەڭىسىنە رەانيماسياعا ءتۇسىپ، كوماعا ءتۇستى. سودان سوڭ شەتىنەپ كەتتى. وسىنىڭ كەسىرى، ءوتىپ كەتكەن سىروست. ءۇيدىڭ بارلىعى سىروست» - دەيدى قالا تۇرعىنى جانار جاقىپوۆا.

كورشىلەرىنىڭ بۇل جان كۇيزەلىسى ۇلكەن ساباق بولسا كەرەك، وسىدان سوڭ جاتاقحانا تۇرعىندارى سيرەي باستاعان. كوپبالالى انا زيادا مامىرباي پاتەرىن بوس قويىپ، دەرەۋ بۇل ۇيدەن كوشىپ كەتكەن. ونسىز دا ەكى بىردەي مۇگەدەك بالاسىنىڭ قامىن ويلاپ، بۇگىندە باسقا تۇرعىن ۇيدەن پاتەر جالداپ وتىر. 

«مىنانىڭ بارلىعى جۇندەيدى... كوگەرگەن ەرۋندا. وسىدان قانشاما بالام اۋرۋ تاۋىپ وتىر. بالالارىم ءۇشىن امالدىڭ جوقتىعىنان وسى جەردى تاستاپ، كۆارتيراعا كوشىپ وتىرمىن. ءبىر پەنسياعا جالداپ، ۇيدەن كوشۋگە ءماجبۇر بولىپ وتىرمىن شىنىنا كەلگەندە» - قالا تۇرعىنى زيادا مامىرباي.

تۇرعىن ءۇيدىڭ قولدانىسقا بەرىلگەنىنە بيىل 50 جىل تولادى. كۇنى بۇگىنگە دەيىن ءجونى ءتۇزۋ جوندەۋ كورمەگەن. كىرەبەرىسىن اتتاپ باسقاننان-اق، كوگەرگەن ءيىس مازاڭدى الادى. قابىرعالارى بولسا، ىلعالدان شىلقىپ تۇر. ءبىراق، بۇعان باس قاتىرىپ وتىرعان بيلىك جوق دەيدى، اشىنعان تۇرعىندار.    

«ەشقانداي بىزگە جاعداي جاساپ، ادامدار تۇرىپ جاتىر ەكەن عوي دەپ باقىلاپ كەلىپ جاتقان ادام جوق. اكىمدىكتى بىلمەيمىن، وسىنداي وبششەجيتيانىڭ بار ەكەنىن بىلمەيدى يا بولماسا ءبىزدىڭ قاعازىمىزدى قاراپ جاتقان جوق. جولدان قايتىپ كەتىپ جاتىر ما، ءالى بىزگە ەشقانداي جاۋاپ كەلگەن جوق» - قالا تۇرعىنى گۇلميرا سىبانوۆا.

پاتەر يەلەرى كووپەراتيۆى بولسا، كەرىسىنشە تۇرعىنداردى كىنالايدى. حالىق ءتيىستى تولەمدەردى ۋاقىتىلى جاسامايدى، دەپ اقتالادى. 

«2 مىڭنان جيناڭدار پاتەراقى ەسەبىنەن مەستامي حوتيا بى كوسمەتيچەسكيي رەمونت ىستەپ، قىستان شىعايىق. كەلەسى جىلى ۇكىمەت ءارقايسىمىزدىڭ جەكە پاتەرىمىز بولسا دا، ەندىگى جىلى كومەكتەسەدى ۇكىمەت دەپ ايتتىم مەن بارىنە. ءبىراق ەشقانداي رەزۋلتات جوق» - پاتەر يەلەرى كووپەراتيۆىنىڭ ءتورايىمى ۇليا ارىنوۆا،

ال قالالىق تۇرعىن ءۇي ينسپەكسياسى تۇرعىن ءۇي  جەكە ادامنىڭ مۇلىگى ەكەندىگىن ايتادى. «ورتاق مۇلىك بولماعاندىقتان، ارالاسا المايمىز» دەيدى. 

«مۇنى ەندى اپاتتى دەپ تانۋ ءۇشىن سول جەردە تۇرعان تۇرعىندار وزدەرى بىرلەسىپ، تاۋەلسىز ەكسپەرتكە بارىپ، سول ءۇيدى كورسەتىپ سوعان زاكليۋچەنيە الۋ كەرەك. سول زاكليۋچەنيە العاننان كەيىن ولار مىنا سون ارقىلى بىزگە ءتيىستى قۇجاتتارىن وتكىزەدى» - قالالىق تۇرعىن ۇي-كوممۋنالدىق شارۋاشىلىعى ينسپەكسياسىنىڭ ءبولىم باسشىسى بەرىك سارمەنبايەۆ.

ەگەر تۇرعىندار ءۇيدىڭ اپاتتى جاعدايدا ەكەندىگىن دالەلدەيتىن تاۋەلسىز ساراپشىنىڭ قورىتىندىسىن الىپ كەلسە سول قۇجات ارقىلى جاڭا ءۇيدىڭ كەزەگىنە تۇرۋعا مۇمكىندىك بار. باسقا تىعىرىقتان شىعار ازىرگە جول جوق.