ءبىلىم جانە عىلىم مينيسترلىگىنىڭ "ۇلتتىق تەستىلەۋ ورتالىعى" رمقك ديرەكتورى رامازان ءالىمقۇلوۆ الداعى ءبىرىڭعاي تەستىلەۋگە دايىندىق تۋرالى ايتىپ بەردى، - دەپ حابارلايدى Tengrinews.kz. 

"بيىل تەست تاپسىرمالارىنىڭ بازاسى 50 پايىزعا جاڭاردى. بىلتىر 80 مىڭ تەست تاپسىرماسى بولسا، بيىل - 120 مىڭ. 11 پايىزى  فۋنكسيونالدىق ساۋاتتىلىقتى انىقتاۋعا باعىتتالعان. 37 پايىزىنىڭ ءبىر نەمەسە بىرنەشە دۇرىس جاۋابى بار. مۇندايدى بىلتىر ەنگىزگەنبىز. بۇل ءپاندى تەرەڭ تۇسىنۋگە، قۇرعاق جاۋاپتاردى جاتتاپ الۋدان ساقتايدى. بۇل ءبىتىرۋشىنىڭ ويلاي الۋى ءۇشىن جاسالعان"، - دەيدى ءالىمقۇلوۆ مينيسترلىك القاسىنىڭ كەڭەيتىلگەن وتىرىسىندا. 

ونىڭ سوزىنشە،  2018 جىلى ۇبت تاپسىرۋ ەرەجەلەرى وزگەرەدى، الايدا، تەست تاپسىرۋشىلاردىڭ ىڭعايلىعى ءۇشىن ازداعان وزگەرىستەر جاسالدى. ۇبت بەس ءپان بويىنشا وتەدى: ءۇش مىندەتتى جانە ەكەۋىن تاڭداۋعا بولادى. 

"اۋىرىپ قالسا نە باسقا دا نەگىزدى سەبەپتەر تۋىنداعاندا قالادا باسقا دا تاپسىرۋ پۋنكتەرى بولسا، ءبىتىرۋشى سول لەكپەن، قابىلداۋ كوميسسياسىنىڭ شەشىمىمەن تاپسىرا الادى. ءبىتىرۋشى ءبىر پۋنككە بەكىتىلەدى، قانداي دا ءبىر سەبەپپەن ءوزىنىڭ پۋنكتىندە تاپسىرا الماي قالسا، كەلەسى كۇنى باسقا پۋنكتكە بارىپ، سوندا تاپسىرادى. ويتكەنى ءوزىنىڭ پۋنكتى جابىلىپ قالادى. بۇرىن ءبىتىرۋشى باسقا پۋنكتە تاپسىرا المايتىن، ويتكەنى، باقىلاۋ-ولشەۋشى ماتەريالدار بەكىتىلگەن پۋنكتە عانا باسىپ شىعارىلاتىن"، - دەپ اياقتادى ءسوزىن رامازان ءالىمقۇلوۆ.