جۇلدىز ابدىكارىموۆا ءوزىنىڭ ينستاگرام پاراقشاسىنا جارى قايرات نۇرتاسپەن قالاي تانىسقانىن جازدى، دەپ حابارلايدى Qamshy.kz اقپارات اگەنتتىگى. 

جۇلدىزدى جۇپقا "قايدا؟ قالاي تانىستىڭىزدار؟" - دەگەن سۇراق ءجيى قويىلادى ەكەن.

«2004 جىل...كۇز... جاڭا وقۋ جىلى... رەسك... قايرات - ۆوكال بولىمەندە، ال مەن - اكتەر بولىمەندە وقىپ جۇرگەن كەزىمىز. ءبىر-بىرىمىزدى سىرتتاي ءبىلىپ جۇرگەنىمەن، ارنايى تانىس بولعان ەمەسپىز. ءبىر اي بويى كوزبەن عانا تانىسىپ، ءبىر- ءبىرىمىزدى باقىلاپ جۇردىك. ءبىراق، مەن ونى كورگەن سايىن، جۇرەگىم ەرىكسىز جىلىپ، ءجۇزىم جايناپ، ىشكى جان دۇنيەم ەزىلە قالاتىن. الايدا، سانام بۇل سەزىمدەردى قابىلدامايتىن، مىنەزىم دە سەزىمدەرگە ەرىك بەرمەيتىن، جىگىتتى مەنسىنبەيتىن، وزىمە دە، وزگەگە دە قاتال جۇلدىز بولاتىنمىن. سوندا دا، بويجەتكەننىڭ جىگىتكە سەزىمىن ءبىرىنشى ەش ۋاقىتتا بىلدىرمەۋ كەرەك دەگەن، قاعيدا سانامدا ابدەن ءسىڭىپ قالعان.

قازان ايىنىڭ شۋاقتى كۇنىندە، اسxانادا، تۇسكى اسىمدى الىپ تۇرعان كەزىمدە، قايراتتى جوعارعى كۋرستىڭ ءبىرى (وزدەرىنىڭ سيستەماسى بويىنشا)، قاسىققا جۇمساعانىن قۇلاعىم شالىپ قالدى. سول ستول باسىندا، ءوزىمنىڭ دە توپتاستارىمنىڭ وتىرعانىن بايقاپ، قاسىقتى قايراتتان بۇرىن، ءوزىمنىڭ تاقتايشاما قويىپ الىپ، "ءوزىم اپارىپ بەرەمىن"- دەدىم دە، ءبىر جيميىپ، جانىنان ءوتىپ كەتە باردىم. قايرەكەڭ تۇرعان بويدا، ارتىمنان قاراپ، ءۇنسىز قالا بەردى... سول ەكى ارادا، كوزدەرىمىز توعىسىپ، ورتامىزدان ءبىر ۇشقىن ۇشىپ وتكەن ءتارىزدى... قۇددى ءۇندى كينوداعىداي بولدى. مەنى ەڭ ءبىرىنشى رەت كورگەن كەزىندە دە، سول ءۇندى اكتيرسالارىنىڭ بىرىنە ۇقساتقانىن جاسىرمادى. العاشقى تانىستىعىمىز وسىلاي باستالىپ ەدى... ەڭ ءتاتتى، تازا ءارى الاڭسىز ءومىرىمىزدىڭ باستاماسى دەپ بىلەمىن. جالپى، ەكەۋمىزدىڭ ستۋدەنتتىك كەزىمىز قىزىعى مەن قاتار شىجىعىنا دا تولى بولاتىن» دەپ جازدى جۇلدىز ابدىكارىموۆا.

ايتا كەتەيىك، قايرات نۇرتاس 10 جىلعا جۋىق نەكەلى ايەلى، بالالارى بار ەكەنىن جاسىرىپ كەلدى. ءوزى باستى ءرولدى سومداعان «ارمان» كينوسى ارقىلى جارى جۇلدىز ابدىكارىموۆانى قالىڭ كورەرمەنگە تانىستىردى.