"ۋزبەكيستان 24" تەلەارناسى فەرعاناداعى ءبىرقاتار قوعامدىق تاماقتانۋ ورنى ەسەك ەتىن ساتىپ الىپ، سيىر جانە قوي ەتىنىڭ ورنىنا پايدالانعانى تۋرالى ۆيدەوروليك كورسەتتى.

 قىلمىستىق باندانىڭ ءۇش مۇشەسى ەسەكتەردى 250-300 مىڭ سۋمنان (شامامەن 10 – 12 مىڭ تەڭگە) ساتىپ الىپ، ولاردى بورشالاپ، ءدامحاناعا كەلىسىن 25-30 مىڭ سۋمنان (شامامەن 1 – 1،2 مىڭ تەڭگە) ساتقان.

ولاردىڭ كليەنتى نەگىزىنەن توشلوك اۋدانىنداعى "ياگونا" ءدامحاناسى مەن فەرعاناداعى مۋرود تۋرگۋنوۆتىڭ اسحاناسى بولعان.

باعدارلامادا ەسەك ەتىن باسقا ەتتەن تۇرىنە قاراپ تا، ءدامى مەن يىسىنەن دە اجىراتۋعا بولاتىنى ايتىلعان. سوندىقتان اسپاز بەن مەيرامحانا بيزنەسىمەن اينالىساتىن ادام قانداي جانۋاردىڭ ەتىن ساتىپ الىپ جۇرگەنىن جاقسى بىلگەن.

ايتا كەتەيىك، يسلام بويىنشا ەسەك ەتى حارام دەپ ەسەپتەلەدى جانە تاماق رەتىندە پايدالانۋعا تىيىم سالىنادى.