رەسەيدىڭ كەمەروۆو قالاسىنداعى ورتتەن قۇربان بولعاندار سانى سوڭعى دەرەكتەر بويىنشا 48 ادامعا جەتكەن. 40-تان استام ادام جارالانعان. 70-كە جۋىق ادام ءىز-تۇزسىز جوعالعان، ونىڭ كوپشىلىگى – بالالار، دەپ حابارلايدى ريا نوۆوستي.

زارداپ شەككەندەردىڭ ءبىرى ورتتەن قاشىپ، ءۇشىنشى قاباتتان سەكىرىپ كەتكەن.

ماسكەۋ ۋاقىتى بويىنشا 26 ناۋرىزعا قاراعان ءتۇنى «زيمنيايا ۆيشنيا» ساۋدا ورتالىعىندا، كينوتەاتر مەن بالالاردىڭ ويىن الاڭدارى ورنالاسقان ءتورتىنشى قاباتىندا ءورت شىققان.

توتەنشە جاعداي قىزمەتكەرلەرى ورتەنگەن نىساننىڭ ءالى تۇتىندەپ جاتقانىن ايتادى.

ءورتتىڭ نەدەن تۇتانعانى ازىرشە بەلگىسىز. ءورت شىققان كەزدە عيماراتتا بولعان 200-گە جۋىق ادام سىرتقا شىعارىلعان. زارداپ شەككەندەردىڭ ءبىرى ورتتەن قاشىپ، ءۇشىنشى قاباتتان سەكىرىپ كەتكەن.

كۋاگەرلەردىڭ ايتۋىنشا، ءورت شىققان كەزدە دابىل بەرۋ جۇيەسى جۇمىس ىستەمەگەن. تەرگەۋ كوميتەتى تۇرعىنداردىڭ مەرت بولۋىنا بايلانىستى قىلمىستىق ءىس قوزعادى. كەمەروۆ وبلىستىق پروكۋراتۋراسى دا ءورت وقيعاسىن تەكسەرۋدى باستاعان.