قازاقستاندىق تالاپكەرلەر رەسەيدەگى جوو-لارعا گرانتقا وقۋعا تۇسە الادى، دەپ حابارلايدى Qamshy.kz اقپارات اگەنتتىگى.  بۇل جايىندا حالىقارالىق باعدارلامالار ورتالىعى اق باسشىسى التاي نۇرمانوۆ ايتتى.

حالىقارالىق كەلىسىم بويىنشا، قازاقستاندىق تالاپكەرلەرگە 10 مىڭ گرانت ءبولىندى. ابيتۋريەنتتەر رەسەيدىڭ 30 وقۋ ورنىندا ءبىلىم الا الادى.  23 ءساۋىر – 15 مامىر ارالىعىندا  استانا، الماتى، اقتاۋ، جەزقازعان، قىزىلوردا، تاراز جانە شىمكەنت قالالارىندا بيۋدجەتتىك ورىندارعا وقۋعا ءتۇسۋ ءۇشىن ەمتيحان وتەدى، - دەپ حابارلادى التاي نۇرمانوۆ.

سونىمەن قاتار «بولاشاق» باعدارلاماسىنا قۇجاتتاردى قابىلداۋ باستالدى. «بولاشاق» باعدارلاماسى ارقىلى تالاپكەرلەر پولشا، مالايزيا جانە ت.ب ەلدەردە ءبىلىم الا الادى.

«اعىمداعى جىلى «بولاشاق» باعدارلاماسىنا بىرنەشە وزگەرىس ەندى. ءوز بەتىنشە شەتەلدىك جوعارعى وقۋ ورىندارىنا تۇسۋشىلەردىڭ ديپلومداعى ورتاشا GPA بالى 3 بولۋ كەرەك، - دەدى نۇرمانوۆ.