استانالىق ەكونوميكالىق فورۋمى الاڭىندا العاش رەت ازاماتتىق سەكتوردىڭ زامانۋي جاھاندىق تەندەنسيالارىنىڭ نەگىزگى اسپەكتىلەرى، جاڭا سىن-تەگەۋرىندەر مەن مۇمكىندىكتەرى تالقىلاناتىن بولادى، دەپ جازادى Qamshy.kz اقپارات اگەنتتىگى.
2018 جىلعى 18 مامىردا استانالىق ەكونوميكالىق فورۋمى «Global Challenges Summit» اياسىندا «ازاماتتىق قوعامنىڭ بولاشاعى. جاڭا ازاماتتىق بەلسەندىلىك» اتتى پانەلدىك سەسسياسى وتەدى.
وسى جىلى استانا ەكونوميكالىق فورۋمىنىڭ اياسىندا تەك ەكونوميكالىق ماسەلەلەر تالقىلانىپ قويماي، سونىمەن قاتار ازاماتتىق بەلسەندىلىك، ۇكىمەتتىك ەمەس ۇيىمداردى دامىتۋ، بۇقارالىق اقپارات قۇرالدارىن دامىتۋ ماسەلەلەرى دە تالقىلاناتىن بولادى. سەبەبى، وزدەرىڭىز بىلەتىندەي، سوڭعى جىلدارى جاڭا اقپاراتتىق ءداۋىر ءداستۇرلى ب ا ق پەن ساياسي پارتيالار الدىنا جاڭا سىن-تەگەۋرىندەردى شىعاردى.
ازاماتتىق قوعامدى دامىتۋ ماسەلەلەرى بويىنشا جەكە پانەلدىك سەسسيا وتكىزۋ ق ر ءدىن ىستەرى جانە ازاماتتىق قوعام مينيسترلىگىنىڭ باستاماسى بولىپ سانالادى.
ۇيىمداستىرۋشىلاردىڭ ايتۋىنشا، بۇعان دەيىن اتالعان شارا اياسىندا تەك ەكونوميكالىق اسپەكتىلەر قاراستىرىلسا، بيىل فورۋم الاڭىندا ۇەۇ دامۋىنىڭ زاماناۋي ترەندتەرى تالقىلاناتىن بولادى.
پانەلدىك سەسسيا جۇمىسىندا تاياۋ جانە الىس شەتەلدەردىڭ، سونىمەن قوسا قازاقستاننىڭ بارلىق ايماقتارىنان ۇكىمەتتىك ەمەس ۇيىمداردىڭ وكىلدەرى، ساياساتتانۋشىلار، ساراپشىلار قاتىساتىن بولادى.
ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتى ءتوراعاسىنىڭ ورىنباسارى باقىتجان نارىمبەتوۆتىڭ ايتۋىنشا اەف اياسىندا العاش رەت ازاماتتىق سەكتوردىڭ قازىرگى زاماناۋي تەندەنسيالارىنىڭ نەگىزگى اسپەكتىلەرى، جاڭا سىن-تەگەۋرىندەر مەن مۇمكىندىكتەر تالقىلانادى. سەسسيا جۇمىسىنا شەتەلدىك جانە وتاندىق ۇكىمەتتىك ەمەس ۇيىمدار، مەملەكەتتىك ۇيىمداردىڭ وكىلدەرى، ساياساتتانۋشىلار مەن الەۋمەتتانۋشىلار، عىلىمي-زەرتتەۋ ۇيىمدارى، سونىمەن قاتار ازاماتتىق پوزيسياسىمەن كوزگە تۇسكەن پىكىر كوشباسشىلارى قاتىسادى. اتالعان جيىن ءدىن ىستەرى جانە ازاماتتىق قوعام مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن وتكىزىلەدى.
ۇەۇ، الەۋمەتتىك كاسىپكەرلىك دامۋىنىڭ زاماناۋي ترەندتەرى جانە قازاقستانداعى ازاماتتىق بەلسەندىلىكتىڭ فورمالارى تۋرالى بەلگىلى ساراپشىلار باياندايتىن بولادى. اتاپ ايتقاندا، «تالاپ» قولدانبالى زەرتتەۋ ورتالىعىنىڭ باسشىسى راقىم وشاقبايەۆ، «قوعامدىق ماسەلەلەردى تالداۋ ورتالىعى» قوعامدىق قورىنىڭ باسشىسى مەرۋەرت ماحمۋتوۆا، «ەكونوميكانىڭ جوعارى مەكتەبى» عزۋ ازاماتتىق قوعام مەن ۇكىمەتتىك ەمەس سەكتوردى زەرتتەۋ ورتالىعىنىڭ باسشىسى يرينا مەرسيانوۆا (ماسكەۋ ق.،رەسەي)، AlmaU ۋنيۆەرسيتەتىنىڭ رەكتورى گۇلميرا كۇرعانبايەۆا، ساياساتتانۋشى ساياسات نۇربەك ءسوز سويلەيدى دەپ كۇتىلۋدە.
ءىس-شارا قاتىسۋشىلارىنا ىسكە اسىرىلعان يننوۆاسيالىق جوبالار جانە ازاماتتىق قوعام سالاسىنداعى ۇزدىك تاجىريبەلەر تانىستىرىلادى.
