ق ر پرەزيدەنتى نۇرسۇلتان نازاربايەۆ Global Challenges Summit 2018 پلەنارلى وتىرىسىندا قازاقستاندىقتاردىڭ بۇگىنگى جەتىستىكتەرى جايلى ايتتى، دەپ حابارلايدى Qamshy.kz اقپارات اگەنتتىگى.

«سوۆەت وداعىندا 15 رەسپۋبليكا بولدى، قازاقستان 12-13ء-شى ورىندا ەدى. رەسەيدەن كەيىن ۋكراينا بولاتىن. بۇگىندە قازاقستان ەكونوميكاسى مەن قارقىنى جاعىنان ەكىنشى ورىندا. ارينە، قيىندىقتار بار. بارلىعى قارقىندى دامىپ جاتىر، بۇگىنگى كۇنگە جەتۋ ءۇشىن ءبىز ۇزاق دايىندالدىق. ءبىزدىڭ التەرناتيۆتى يندۋستريا قۇرۋ باعىتىنداعى جۇمىسىمىز، جاستاردى وقىتۋعا تالپىنىسىمىز، جوعارۋ وقۋ ورىندارىن اشۋىمىز –بارلىعى دا بۇگىنگى كۇنگە ديىندىق بولدى. سوندىقتان چەرچيللدىڭ سوزىمەن ايتساق، «پەسسيميست بارىنەن تەك جاماندى ىزدەيدى، ال وپتيميست – جاقسىنى»، مەن قازاقستاندىقتاردى وپتيميست دەپ سانايمىن»، —دەدى نازاربايەۆ. 

بۇعان قوسا نازاربايەۆ استانانىڭ 20 جىلدىعىن ەسكەرىپ، بۇرىندارى تەك شەت ايماقتىق قالا عانا بولعانىن ەسىنە الدى.

«ءبىز بولاشاققا وپتيميزممەن قارايمىز. قازاقستان – اۋماعى جاعىنان ۇلكەن مەملەكەت، ءبىراق حالقى مەن ەكونوميكاسى جاعىنان شاعىن عانا. دەسەك تە ورتالىق ازيادا ءبىزدىڭ ەكونوميكانىڭ كولەمى كاۆكازدى قوسا العاندا، قالعان مەملەكەتتەردەن تۇتاستاي العاندا جوعارى. ءبىز مۇنىمەن ماقتانامىز. ءبىز بولاشاققا وپتيميزممەن قارايمىز. بولاشاقتا جاڭا تەحنيكانى، تەحنولوگيانى مەڭگەرگەن ەلدەر قاتارىندا بولعىمىز كەلەدى»، — دەدى ەلباسى.

ايتا كەتەيىك، بۇگىن استانادا قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن  Challenges Summit 2018 فورۋمىنىڭ جالپى وتىرىسى ءوتىپ جاتىر. فورۋم 17-19 مامىر كۇندەرى وتەدى. وندا الەمنىڭ ءتۇرلى ەلدەرىنەن 500-گە جۋىق سپيكەر قاتىستى. فورۋم بارىسىندا نۇرسۇلتان نازاربايەۆ الىپ مەملەكەتتەر اراسىنداعى كەلىسپەۋشىلىك سىندى ماسەلەلەرگە توقتالىپ ءوتتى.