XI استانا ەكونوميكالىق فورۋمى شەڭبەرىندە اۋىل شارۋاشىلىعى مينيسترلىگى ءبىرقاتار تاريحي قۇجاتتارعا قول قويدى. ءىرى ترانسۇلتتىق كومپانيالار قازاقستاننىڭ اگروونەركاسىپتىك كەشەنىنە قارجى رەسۋرستارىن عانا ەمەس، قازىرگى زامانعى تەحنولوگيالار ترانسفەرتىمەن دە قامتاماسىز ەتۋگە دايىن.

بۇگىنگى تاڭدا ەلىمىزدىڭ اگروونەركاسىپ كەشەنى ەكونوميكانىڭ قارقىندى دامىپ كەلە جاتقان سالاسى بولىپ تابىلادى جانە ونىڭ جىلدىق ءوسىم قارقىنى 104،5% قۇراپ وتىر. قازاقستاننىڭ تابيعي رەسۋرستارىنىڭ الەۋەتى مەن اگروونەركاسىپ كەشەنى قورلارى ەلىمىزدىڭ ودان ءارى قارقىندى دامۋى ءۇشىن نەگىز بولىپ تابىلادى.

ەلباسى ەڭبەك ونىمدىلىگىن جانە وڭدەلگەن اۋىل شارۋاشىلىعى ونىمدەرىنىڭ ەكسپورتىن ارتتىرۋ بويىنشا ناقتى مىندەتتەر قويدى. ءىرى ترانسۇلتتىق كومپانيالارمەن ىنتىماقتاستىق تىكەلەي ينۆەستيسيالاردىڭ جەتكىلىكتى مولشەرىن عانا ەمەس، سونداي-اق ينۆەستورلاردىڭ وزدەرى ەسەبىنەن دايىندالعان ونىمدەردى ودان ءارى ەكسپورتتاۋدى جەڭىلدەتۋگە مۇمكىندىك بەرەدى.

جوعارىدا اتالعان مىندەتتەر شەڭبەرىندە استانا ەكونوميكالىق فورۋمى اياسىندا ءىرى ترانسۇلتتىق كومپانيالارمەن، سونىڭ ىشىندە «Crەموnini» («Inalca Eurasia Holding»)، يتاليا، «M.A.D. Developing Agricultural Projects»، يزرايل، «Cedar Meاts»، اۆستراليا، AGCO، سشا «Golden Camel GROUP LTD»، جۇڭگو، «Hyundai Corporation»، وڭتۇستىك كورەيا، «Dunbia»، ۇلىبريتانيا كومپانيالارىمەن جالپى كولەمى 300 ملرد. تەڭگەنى قۇرايتىن مەموراندۋم جانە جول كارتالارىنا قول قويىلدى.

اتالعان كومپانيالار اۋىل شارۋاشىلىعى جانە ازىق-تۇلىك ونىمدەرىن وندىرۋشىلەر اراسىندا كوشباسشى بولىپ تابىلادى.

جوبالارعا قول قويىلعاننان كەيىن ينۆەستورلارمەن دوڭگەلەك ۇستەل فورماتىندا كەزدەسۋ وتكىزىلدى. اتالعان ءىس-شارانى اشقان ق ر پرەمەر-مينيسترىنىڭ ورىنباسارى – ق ر اۋىل شارۋاشىلىعى ءمينيسترى ءومىرزاق شوكەيەۆ ءىرى شەتەلدىك ينۆەستورلاردى قازاقستانعا تارتۋ، ونەركاسىپتىڭ ەكونوميكالىق جانە تەحنولوگيالىق الەۋەتىن ودان ءارى دامىتۋدىڭ ماڭىزدى قۇرامداس بولىگى ەكەنىن اتاپ ءوتتى.

كاسىپكەرلىككە قولايلى جاعداي جاساۋ جانە ينۆەستيسيالىق احۋالدى جاقسارتۋ اگروونەركاسىپتىك كەشەندە مەملەكەتتىك ساياساتتى ىسكە اسىرۋدىڭ نەگىزگى باسىم فاكتورى بولىپ تابىلادى.