2. ەكولوگيالىق شاراعا بەلسەندى قاتىسىپ، قايتا وڭدەۋگە قالدىق وتكىزگەندەر اراسىندا ارنايى سىيلىقتار ويناتىلادى.

3. سونىمەن قاتار، ەكواسارعا كەلگەن تۇرعىندار مەن قالا قوناقتارى اراسىندا ۆەكتورينالىق سۇراقتار قويىلىپ، سىيلىقتار ۇلەستىرىلەدى.

4. ەكواسار اياسىندا قازاقستان شوۋ-بيزنەسىنىڭ جارقىن جۇلدىزدارىنىڭ قاتىسۋىمەن كونسەرتتىك باعدارلاما ۇيىمداستىرىلادى.

5. وتەتىن ورىن: يمانوۆ كوشەسى 9، «قازاقستان» سپورت سارايى الاڭى.

6. وتەتىن ۋاقىتى: 2 ماۋسىم. ساعات 11:00-17:00

قورشاعان ورتانى قورعاۋعا ءاربىر قازاقستاندىق ۇلەس قوسا الادى!

ايتا كەتەتىن بولساق، كۇن سايىن استانا اۋماعىنان 1،2 توننا قاتتى قالدىقتار شىعارىلادى. ونىڭ ىشىندە ەڭ كوپ تاراعان ءتۇرى  پلاستيكالىق ونىمدەر – پاكەتتەر، شولمەكتەر، ءبىر رەتتىك اسحانا قۇرالدارى. 

كۇن سايىن استانا اۋماعىنان قۇرىلىس قوقىستارىن ەسەپتەمەگەندە 800-1000 توننا قاتتى تۇرمىستىق قالدىق شىعارىلادى. بارلىعىنا بەلگىلى، پلاستيك 500 جىل جارامدى بولادى. ارينە، ەگەر ونى قايتا وڭدەمەگەن جاعدايدا. ەگەر تابيعي تۇردە شىرىسە، الەم پلاستيكتىڭ استىندا قالار ەدى. سول سەبەپتى وسى ماقساتتا بىرنەشە دامىعان ەلدەردە ساۋدا كەزىندە پوليەتيلەن پاكەتتەردى قولدانۋعا شەكتەۋ قويىلعان. كەيبىر مەملەكەتتەردە سۋدى ساقتاۋ جانە تاسىمالداۋ وندىرىسىندە قولدانۋعا رۇقسات ەتىلمەگەن. وسىنداي شارالارمەن الەم ءتونىپ تۇرعان «پلاستيكالىق اۋرۋدان» ارىلۋعا تىرىسۋدا. 

قازاقستاننىڭ ەكولو­گيا­لىق ۇيىمدارى باسقار­ما­سىنىڭ باس­شىسى ايگۇل سولوۆيەۆا ەلىمىز قال­دىق­تاردى قايتا وڭدەۋگە قاتىستى كوپ­تەگەن تۇجىرىمدامالىق قۇجات­تار­عا يە ەكەندىگىن ايتادى. ونىڭ مالىمەتىنشە، قازىرگە قال­دىق­تاردىڭ 5 پايىزىن عانا ءوڭ­دەپ وتىرمىز. دۇنيە جۇزىندە بۇل ماسەلەدە 162 ەلدىڭ ىشىندە 39-شى ورىندا كورىنەمىز.  قىسقاسى، قتق ءتيىمدى قايتا وڭدەۋ بويىنشا زاۋىتتار مەن تەحنولوگيالاردىڭ بول­ماۋى، قوقىستاردى ءبو­لەك جيناۋ ءجا­نە سۇرىپتاۋ جۇيەسىنىڭ دامىماۋى ءجا­نە ولاردى پوليگوندارعا ءبىرىڭعاي سال­­ماقپەن قويمالاۋ ەپي­دەميو­لو­­گيالىق ءقاۋىپتى قال­دىقتار مەن ۋلى زات­تار­­دىڭ جي­نالۋىنا الىپ كەلەتىنى ايان. ءنا­تي­جە­سىندە قورشاعان ورتا­نىڭ احۋالى، ساپاسى تۇراقتى ناشارلاۋدا، ال تا­بي­عي لاندشافتار قالپىنا كەلمەستەي ءوز­گە­رىستەرگە ۇشىراۋدا.  ال قازاقستان «جاسىل ەكو­نو­ميكاعا» كوشۋ جونىندەگى تۇ­جى­رىمداماسىنا ءساي­كەس، 2050 جىلعا قاراي قاتتى تۇرمىس­تىق قالدىقتاردى 50 پايىزعا دەيىن وڭدەۋ­گە قول جەتكىزۋى ءتيىس. بۇل كورسەتكىشكە جەتۋ ءۇشىن مەملەكەت، بيزنەس پەن قوعام بىرىك­پە­سە، ناتيجەسى نەعايبىل.