ەۋرازيالىق بيرجالار فەدەراسياسىنىڭ باس حاتشىسى كونستانتين سارويان Joining Tabadul Hub حالىقارالىق كونفەرەنسياسىندا ەۋرازيانىڭ قور نارىقتارىنداعى وتىمدىلىكتى ارتتىرۋ جولدارى تۋرالى ايتتى.

ونىڭ ايتۋىنشا، ققس مولشەرلەمەسىنىڭ ءوسۋى جالپى كاپيتال نارىعىنا اسەر ەتپەيدى. الايدا، ول جەكەلەگەن كومپانيالاردىڭ قىزمەتىنە اسەر ەتۋى مۇمكىن. ال سالىقتىڭ جالپى دەڭگەيى كوتەرىلسە، بۇل ليستينگتەلگەن كومپانيالارعا ايتارلىقتاي ىقپال ەتەدى دەگەن ءسوز ەمەس. ققس مولشەرلەمەسىنىڭ ارتۋى بارلىق سالالارعا اسەر ەتەدى، ءبىراق كاپيتال نارىعىنا تىكەلەي قاتىسى جوق.

سونداي-اق ول وتىمدىلىكتى ارتتىرۋ ءۇشىن ينۆەستورلاردىڭ قارجىلىق ساۋاتتىلىعىن كوتەرۋ جانە ولاردى جەرگىلىكتى نارىققا ينۆەستيسيا سالۋعا ىنتالاندىرۋ قاجەت ەكەنىن ايتادى.

«سونىمەن قاتار الەۋەتتى ەميتەنتتەرمەن كورپوراتيۆتىك باسقارۋدىڭ اشىقتىعى مەن بولىنۋىنەن قورىقپاۋ ءۇشىن جۇمىس جۇرگىزۋ قاجەت»، دەيدى ەۋرازيالىق بيرجالار فەدەراسياسىنىڭ باس حاتشىسى.

ەلىمىزدە جاڭا سالىق كودەكسى ەنگىزىلمەك. وندا ققس مولشەرلەمەسىن 12%-دان 16%-عا دەيىن كوتەرۋ ماسەلەسى تالقىلانىپ جاتىر. كەيبىر سالالار ءۇشىن ققس مولشەرلەمەسى 0% نەمەسە 10% بولىپ بەلگىلەنۋى مۇمكىن، ال كەيبىر سالالار بۇل سالىقتان مۇلدەم بوساتىلادى.